அனைத்தையும் நாடி  இலங்கையின் முதல் பெண் பிரதி பொலிஸ் மா அதிபருக்கு எதிராக மனுத் தாக்கல்

இலங்கையின் முதல் பெண் பிரதி பொலிஸ் மா அதிபருக்கு எதிராக மனுத் தாக்கல்

2021 Feb 17

இலங்கையின் முதலாவது பெண் பிரதி பொலிஸ் மா அதிபராக (DIG) விளங்கும் பிம்ஷானி ஜாசின் ஆராச்சி அவர்களை பணிநீக்கம் செய்யக்கோறி உச்ச நீதி மன்றத்தில் அடிப்படை உரிமை மீறல் மனுவொன்று தாக்கல் செய்யப்பட்டது.

இந் நியமனத்தால் தங்களுடைய அடிப்படை உரிமைகள் மீறப்படுவதாக மேற்கோள் காட்டி, முன்னாள் ஊடகப்பேச்சாளர் ருவன்குணசேகர உற்பட சிரேஷ்ட பொலிஸ் உத்தியோகத்தர்கள் 32 பேரினால் தாக்கல் செய்யப்பட்ட மனு, பெப்ரவரி மாதம் 16ம் திகதி முர்து பெர்னாண்டோ, சஞ்சீவ ஜயவர்தண மற்றும் அச்சலா வேங்கப்புலி ஆகிய நீதிபதிகளினால் விசாரணைக்குட்படுத்தப்பட்டது.

இந் நியமனம் பொலிஸ் மா அதிபர் (IGP) மற்றும் தேசிய பொலிஸ் ஆணைக்குழுவின் அனுமதியுடன் வழங்கப்பட்ட போதிலும், ‘பெண்’ என்ற சொல்லை மாத்திரம் கருத்தில் கொண்டு நியமனங்கள் வழங்கும் ஒழுங்குமுறை இல்லை என்ற வாதம் எடுத்துரைக்கப்பட்டது. இதன் அடிப்படையில் ஜனாதிபதி சட்டத்தரணி சஞ்சீவ ஜயவர்தண அவர்களினால் இந் நியமனத்திற்கு எதிராக இடைக்காலத் தடை உத்தரவு வழங்கப்பட்டது.

பிரதி பொலிஸ் மா அதிபர் (DIG) பிம்ஷானி ஜாசின் ஆராச்சி அவர்கள், ருகுணு பல்கலைக்கழகத்தில் பொருளாதாரம், சிங்களம் மற்றும் புள்ளிவிவரவியல் துறைகளின் BA பட்டதாரியாவார். மேலும் கொழும்பு பல்கலைக்கழகத்தில் மனித உரிமைகள் தொடர்பான முதுநிலை பட்டதாரியுமாவார்.

இவர் 1997 ஆம் ஆண்டு ஆய்வாளராக(Inspector of Police) சேர்க்கப்பட்டு 2017 ஆம் ஆண்டு SSP பதவி உயர்வு பெற்றார். மேலும் பெண்கள் மற்றும் சிறுவர் துஷ்பிரயோக கட்டுபாட்டுப் பணியகத்தில் இயக்குனராக விளங்கியுள்ளார்.

பிரதி பொலிஸ் மா அதிபர் (DIG) பிம்ஷானி சார்பில் ஆஜராகிய சட்டத்தரனி கிரிஷ்மல் வணிகசூரிய கூறுகையில் இம் மனுவின் முதலாவது மனுதாரியே பொலிஸ் சட்டப் பிரிவின் தலைவராக விளங்குவதால் போதுமான ஆவணங்கள் கிடைக்கப்பெறவில்லை என்பது குறிப்பிடத்தக்கது. மேலும் இவ் வழக்கிற்கு ஆட்சேபனை மனு வழங்க அவகாசம் கோரப்பட்டதை அடுத்து உச்ச நீதிமன்றத்தினால் 3 வாரத்திற்கு கால அவகாசம் வழங்கப்பட்டதோடு, ஆட்சேபனை மனு வழங்கப்பட்டு ஒரு வாரத்திற்குள் எதிர் ஆட்சேபனை வழங்க வேண்டும் என உத்தரவிடப்பட்டது. மேலும் இவ் வழக்கின் அடுத்த தவணை மே மாதம் 18ம் திகதி உச்ச நீதிமன்றத்தில் விவாதத்திற்கு எடுக்கப்படவுள்ளது.

LEAVE A REPLY

Please enter your comment!
Please enter your name here

single_template_7.php