2022 Sep 13
ஒரு சிலர் பேசும்போது சிரிப்பு வரும். ஒரு சிலரோட செய்கைகளால சிரிப்பு
வரும். ஆனா இவரப் பார்த்தாலே சிரிப்பு வரும். அப்படியொரு காமடியன் தான்
வைகைப்புயல் வடிவேலு. பிரபலமான காமெடியனு இவர சொல்றத விட தமிழ்
சினிமாவோட முக்கிய கதாநாயகன் அப்படினு கூட சொல்லலாம். எல்லோராலும் எல்லாரையும் ஈஸியா அழ வைக்க முடியும். ஆனா அவங்கள சிரிக்கவைக்கிறது
கொஞ்சம் கஷ்டம் தான். ஆன எல்லோரையுமே அசால்ட்டா சிரிக்க வைக்க
நம்ம அண்ணனால மட்டும் தான முடியும். அழுகுறவங்க கூட அவரோட காமெடி
சீன்கள பார்த்தா அவங்கள அறியாமலேயே சிரிச்சிடுவாங்க.
காமடி கிங் மீம்ஸ் GOD அடையாளப்படுத்தப்படுற அடையாளப்படுத்தப்படுற நம்ம அண்ணனுக்கு மட்டும்தான பிரபலமான செல்லபெயர்கள் அதிகம்.
நேசமணி-(ஃப்ரன்ட்ஸ்), வெளவால்-(மிஸ்டர்) சுனா பானா (கண்ணாத்தாள்),
சுமோ (ஆறு),ஏகாம்பரம் (மருதமலை), டெலக்ஸ் பாண்டியன்
(என்னம்மா கண்ணு), கைபுள்ள (வின்னர்), இசக்கி (தேவர் மகன்)
சுடலை (வெற்றிகொடி கட்டு) ,அலார்ட் ஆறுமுகம்(வெடிகுண்டு
முருகேசன்) இந்த மாதிரி அண்ணன் நடிச்ச திரைப்படத்துக்குள்ளேயே அவருக்கு
செல்ல பெயர வச்சி அண்ணன அடையாளப்படுத்துறது மட்டுமல்ல நம்ம
நண்பர்களுக்கே இந்த பெயர்கள எல்லாம் வச்சி நாங்களும் கூப்பிட்டு இருப்பம்.
அண்ணனோட இந்த பெயருக்கெல்லாம் தனி காமெடி சீன்களே இருக்கு. ஒரு
நிமிஷம் நீங்களே நினைச்சு சொல்லி பாருங்க. கண்டிப்பா சிரிச்சிடுவீங்க. சரி
என்னடா திடிர்னு வைகைப் புயல பற்றி பேசுறோம்னு யோசிக்கிறீங்களா? அதுக்கு
ஒரு காரணம் இருக்கு. அத அவரோட ஸ்டைல்லயே சொல்லனும்னா சங்கி
மங்கி அடங்கோ.. அண்ணனுக்கு HAPPY BIRTHDAY ங்கோ!
ஒரு திரைப்படத்துல ஹுரோக்கு இருக்குற அதே வரவேற்பு அதே திடைப்படத்துல
ஒரு நகைச்சுவையாளருக்கு இருக்கு அப்படினு சொன்னா நிச்சயம அது நம்ம
அண்ணன் வடிவேலுக்கு தான் என் ன தோற்றம்?என்ன அசைவு? என்ன நடை?
என்ன உடை? என்ன பேச்சு? என்ன நடிப்பு? இவரோட ஒவ்வொரு அசைவுமே
நிச்சயம் நம்மள எப்படியாச்சும் சிரிக்கவச்சிடும். எதாச்சு செண்டிமென்ட்சீன்ல
நம்ம அண்ணன் வந்துட்டாருனு வைங்க அந்த சீனே காமெடிசீனா மாறிடும்.
என்னதான் மொக்க படமா இருந்தாலும அந்த படத்துல வடிவேலு இருக்காரு
அப்படினா அவரோட நகைச்சுவைய பார்க்குறதுக்குனே ஏகப்பட்ட ரசிகர்கள்
இருக்காங்க. படத்துல எங்கயாச்சும் அவரு திடிர்னு வந்துட்டாருனு வைங்க
நம்ம பசங்க எல்லாம் ‘வந்துட்டாயா வந்துட்டயா அப்படினு குதிக்க
ஆரம்பிச்சிடுவாங்க வடிவேலு அப்படிங்குற அந்த பெயருக்கு இருக்குற மௌஸ்
அப்படி.
1960 செப்டம்பர் 12 மதுரையில அண்ணன் வடிவேலு பிறந்தாரு. அவரோட
அப்பா கண்ணாடி வெட்டும் தொழில செய்றவரு. நம்ம அண்ணனுக்கு 7 சகோதரங்க.
கூட பொறந்தவங்க எல்லாருமே தக தகனு கலரா இருக்கப்போ இவரு மட்டும்
கருப்பா கலையா இருப்பாரு. இருந்தாலும் அவருக்கு அதெல்லாம கவலையே
கிடையாது. சின்ன வயதிலேயே அடிக்கடி அப்பா கூட போய் வேலை பார்ப்பாரு.
அங்க களைப்பா இருந்தா திடிர் திடிர்னு அங்க வேலை செய்றவங்களுக்கு
சில ஜோக்ஸ் எல்லாம் எடுத்து விடுவாராம். வேலை செய்யும்போது இவரோட
காமெடி கதைகள கேட்டு தான் நிறைய பேர களைப்பாறுவங்களாம்.
கொஞ்சம் வளர்ந்ததும் நாடகம் நடிக்குறதுல ஆர்வம வரவும் நாடகம்
கற்றுகொள்ள ஆரம்பிச்சாரு.
தன்னோட நண்பர்களோட சேர்ந்து பக்கத்து ஊருக்கு
நாடகம் பண்ண போனாரு. அப்போதான் எதிர்பாராம அவரோட அப்பாக்கு
ஹார்ட்அட்டேக் வரவும் அவர காப்பாத்த முடியாம போயிருச்சு. அப்பாவோட
சம்பாதியத்த மட்டும் நம்பியிருந்த மொத்த குடும்பமும் இப்போ என்ன செய்றதுனே
தெரியாம தள்ளாடிட்டு இருந்தாங்க. அப்போ தன்னோட பள்ளி படிப்பை பாதிலேயே
நிறுத்தி அப்பா போன அதே வேலைக்கு போய பணம் சம்பாதிக்க ஆரம்பிடிச்சாரு
ஆனா தொடர்ந்து நாடகம் பண்ணுவாரு. ஒரு கல்யாணதுக்கு நம்ம அண்ணன்
போயிருந்தபோ அங்க நடிகர் ராஜ்கிரண் சேரும் வந்திருக்காரு.
அவர பார்த்ததும் எப்படியாவது போய் பேசனும்னு ஒரு வழியா ராஜ் கிரண் நம்ம அண்ணன் நெருங்கிட்டாரு. உனக்கு என்ன தெரியும்? அப்படினு ராஜ்கிரண்
சேர் நம்ம அண்ணன பார்த்து கேக்க அதுக்கு நம்ம அண்ணன்
ஏதோ கொஞ்சம் நடிக்க தெரியும் ‘அப்படினு சொல்ல’சரி அப்போ
உடனே சென்னைக்கு வந்துடு’ அப்படினு ராஜ்கிரண் சேர்
சொல்லிட்டு அங்க இருந்து போய்ட்டாரு சென்னைக்கு போனா எதாச்சும்
சாதிச்சிடலாம அப்படினு யோசிச்சு கையில காசில்லாம வீட்டில இருந்த
இரண்டு பாத்திரங்கள 100 ரூபாய்க்கு அடகுவைச்சிட்டு 20 ரூபா பிடிப்பு
போக 80 ரூபாவோட சென்னைக்கு போக ரெடியாகிட்டாரு.
குறுக்கே வந்த ஒரு லொறிய நிறுத்தி சென்னைக்கு போக லிஃப்ட் கேட்டு
15 ரூபாய்க்கு விலை பேசி லொறிக்கு மேலே பயணம் செஞ்சிட்டு இருக்கபோ
கையிலிருந்த பணம் காத்தோட பறந்துபோக களைப்புல நம்ம அண்ணன் நல்லா
தூங்கிட்டாரு. திடிர்னு லொறிய நிறுத்தி அந்த லொறி டிரைவர் நம்ம அண்ணன
சாப்பிட கூப்பிட்டபோ கையில சுத்தமா காசே இல்லாம எனக்கு பாசிக்கலனு
அங்கேயே இருந்துட்டாரு. சரி பரவாயில்லை அப்படினு அந்த லொறி டிரைவர்
நம்ம அண்ணன கையோட கூட்டிபோய அவருக்கு சாப்பிட வாங்கி கொடுக்குறாரு.
நம்ம அண்ணன் கிட்ட பணம் இல்லனு தெரிஞ்சும் அவர பாதியிலேயே விட்டுவிடாம
லொறி டிரைவர அவர் கையிலிருந்த 5 ரூபாவ கொடுத்து அண்ணன தாம்பரம்
பஸ் ஸ்டோப்புக்கு கொண்டு போய் விடுறாரு.
நடிக்க தானே வந்தோம அப்படினு சரியா போய் AVM வாசல்லயே
நிற்க அங்கயிருந்த வோட்ச்மேன் நீங்க எல்லாம் இங்க நிக்க கூடாதுனு சொல்ல ஐயா நான் நடிக்க வந்துருக்கேன்!. நல்லா நடிச்சு காட்டுவேன் அப்படினு
சொன்னபடி ஊருல கத்துகிட்ட மொத்த வித்தையயும்
அவரு முன்னாடி இறக்கிட்டாரு. நீ ரொம்ப நல்லாவே காமெடியா நடிக்கிற.
உனக்கு நல்ல எதிர்காலம இருக்கு அப்படினு கதவை திறக்குறாரு. அங்க
போய ராஜ் கிரண் சாரயும் பார்த்து பேசி அவருடைய அலுவலகத்துலேயே ஒரு
உதவியாளரா வேலை பார்க்குறாரு.
அதுக்கு அப்பறமா டி. ராஜேந்தரின் சாரோட ‘என் தங்கை கல்யாணி’
படத்துல ஒரு சிறிய கதாபாத்திரத்தின் மூலமா தமிழ் சினிமாக்குள
நம்ம அண்ணன் நுழைஞ்சிறாரு . இதற்கு அடுத்ததா ராஜ்கிரண்
சாரோட ‘என் ராசாவின் மனசிலே’ படத்துல நடிச்சு ‘போடா போடா’ புன்னாக்கு
என்ற பாட்டு மூலமா ரொம்பவே பிரபலமாகிட்டாரு. இப்படித்தான் அவரோடய
முதல் சினிமா பயணம் ஆரம்பமாகிச்சு.
அதை தொடர்ந்து காதலன் திரைப்படத்துல முக்கிய காமெடியனாக தன்னை
அடையாளப்படுத்தி முதல்வன்,வின்னர், ப்ரெண்ட்ஸ் உட்பட 300 இற்கு மேற்பட்ட
திரைப்படங்கள நடிச்சு இன்றைக்கு தமிழ் சினிமாவோட அசைக்கமுடியாத
கதாநாயகனா திகழ்றாரு!ஏகப்பட்ட விருதுகளையும் வென்று எடுத்து
‘தி காமெடி கிங்’ ஆக மகுடம் சூடியிருக்கிறாரு. ‘வைகை பாயும் மதுரையிலிருந்து
வந்ததொரு புயல்’ அப்படினுபெருமைப்படுத்தி அவர ‘வைகைபுயல் வடிவேலு’ என்ற பட்டத்தோடு அழைக்குது தமிழ் சினிமா.
என்னதான் ரொம்ப கஷ்டப்பட்டு வாய்ப்பு தேடி அலைஞ்சு வந்தாலும் ; இன்னைக்கு
வடிவேலு அப்படினா தெரியாத யாருமே இருக்கமாட்டாங்க அவர போல அவர
பார்த்து நிறைய பேர் காமெடி பண்ண கத்துகுறாங்களே தவிர அவருடைய
இடத்த நிரப்ப இப்ப வரைக்கும் யாராலையுமே முடியல. சில பேர் தங்களோட
வாழ்கைல உபயோகப்படுத்துற வசனங்களையே மறந்துருவாங்க. ஆனா
நம்ம அண்ணன் ஒவ்வொரு படத்திலயும் பேசுற ஏதாச்சு ஒரு வசனம் சரி ஹிட்
ஆகாம போகாதுனு கூட சொல்லலாம். அழகாக சொல்ல போன நாம
நம்மளோட வாழ்க்கைல எதாவது சந்தர்ப்பத்துல இவரோட வசனம் ஏதாச்சும்
ஒன்னாவது சொல்லாம இருந்திருக்கமாட்டோம்.
‘எத பண்ணாலும ப்ளேன் பண்ணி பண்ணனும் ப்ளேன் பண்ணாம பண்ணா இப்படித்தான் என்ன வச்சி காமடி கீமடி பண்ணலயே ,நெக்ஸ்ட்டு ரெஸ்ட்டு
வேணா வலிக்குது அழுந்துருவேன், இது வாலிப வயசு ஆணியே புடுங்க வேணாம்
ரிஸ்க் எடுக்குறது எங்களுக்கு ரஸ்க் சாப்பிடறமாதிரி
இப்படி இன்னும் சொல்லிகிட்டே போகலாம்.
இவர மீம் GOD சொல்றதுக்கு காரணமே இவரோட காமடிய
வச்சி தான் நிறைய மீம் க்ரியேட்டர்ஸ் வாழ்ந்துகொண்டு இருக்காங்க இதெல்லாம்
உங்களோட வசனங்கள். இதுக்கெல்லாம்உங்களில் உழைப்பு இருக்கு னு
போய் நம்ம அண்ணன் கிட்ட கேட்டபோ ‘அடப்போங்கய்யா’! என்னால முடிஞ்சத
ஏதோ நா பண்ணிகிட்டு இருக்கேன். என்ன வச்சி அவங்க பண்றாங்களா சிம்பிள்.
அவ்ளோதான. அத பொருட்படுத்தாம ஜோலியா பதில் சொல்லியிருக்காரு
நம்ம அண்ணன்.
நாம எங்கிருந்து வந்தோங்கிறத விட எப்படி வரோங்கிறத விட எப்படி வாழ்ரோங்கிறத தான் முக்கியம். படம் பாக்குறவங்கள
மட்டும் மல்லாம படம் எடுக்குறவங்கள கூட நம்ம அண்ணன் அவரோட
காமெடில சிரிக்கவச்சிடுவாரு. எப்பயுமே அவர பார்த்தாலே சிரிக்க வைக்குற
LEGEND வருத்தமில்லா வாலிபர் சங்க தலைவர் எங்கள் அண்ணண் வருத்தங்கள்
இல்லாம பல்லாண்டு வாழ சங்கம் சார்பாக வாழ்த்து தெரிவிக்கிறோம்.!
