2022 Nov 18
ஒரு ஹூரோவ உயிருக்கு உயிரா ரசிகர்கள் கொண்டாடுவாங்க அப்படினா அவருக்கு சூப்பர் ஸ்டார்னு ஒரு பெயர் இருக்கும். அதுவே ஒரு ஹீரோக்கு இருக்குற அதே ரசிகர் கூட்டம் ஒரு ஹீரோயின்கு இருக்கு அப்படினா நிச்சயம் அது லேடி சூப்பர் ஸ்டாரா தான் இருக்க முடியும். இன்னைக்கு கோடிகணக்கான சம்பளம் வாங்கி இந்தியாவோட டொப் 100 பிரபலங்கள் பட்டியல தமிழ் நடிகை என்கிற அடையாளத்தோட முக்கியமான தென்னிந்திய நடிகையா வலம் வந்துட்டு இருக்காங்க லேடி சூப்பர் ஸ்டார் நயன்தாரா! 1984 ஆம் ஆண்டு நவம்பர் 18 ஆம் திகதி இந்தியா கர்நாடகா மாநிலத்தில லேடி சூப்பர் ஸ்டார் பிறந்தாங்க. அவங்களோட நிஜப் பெயர் டயானா மரியம் குரியன். தன்னோட கல்லூரிக் காலத்திலேயே மொடலிங் செய்வதுல ரொம்பவே ஆர்வம் காட்டினாங்க.
மாடலிங் துறையை பகுதி நேரமா செய்ததனால அவருக்கு முதன் முதல்ல மலையாள திரைப்படத்துல நடிக்கிறதுக்கு வாய்ப்பு கிடைச்சது. ‘மனஸ்ஸினைக்கற’ திரைப்படத்தில கதாநாயகியாக அறிமுகமாகி திரையுலகத்துல நடிகையாக அறிமுகமாகினபோ அவங்களுக்கு 18 வயது. அதனைத் தொடர்ந்து 2005 இல் இயக்குனர் ஹரி இயக்கிய ‘ஐயா’ திரைப்படத்துல முக்கிய கதாநாயகியாக நடிச்சதால தமிழ் திரையுலகத்துல கதாநாயகியாக அறிமுகமாகினாங்க. இதன் மூலமா சிறந்த அறிமுக நடிகை அப்படினு ஒரு புகழும் அவருக்கு கிடைச்சது. ஐயா திரைப்படத்துல லேடி சூப்பர் ஸ்டாரின் யதார்த்தமான நடிப்பு அவர ‘துர்கா’ கதாபாத்திரத்தை ஏற்று நடிக்க வச்சது. பி.வாசுவின் இயக்கத்தில் வெளியாகிய ‘சந்திரமுகி’ திரைப்படத்துல அவருக்கு நல்ல வரவேற்பு கிடைச்சது.
அதுக்கு அப்பறமா ஏ.ஆர் முருகதாஸ் இயக்கிய ‘கஜினி’ திரைப்படத்துல இரண்டாவது கதாநாயகியாக நடிச்சாங்க. அதுக்கு அப்பறமா நயன்தாரா தமிழில நிறைய படங்கள நடிக்க ஆரம்பிச்சாங்க.தளபதி நடிச்ச சிவகாசி திரைப்படத்துல ‘கோடாம்பக்கம் ஏரியா’ என்கிற பாட்டுக்கு மட்டும் நடனமாடுவாங்க நயன்தாரா.
2006 ஆம் ஆண்டு ‘கள்வனின் காதலி’ திரைப்படத்த நடிச்சதோடு அதே ஆண்டு ‘வல்லவன்’, ‘ஈ’, ‘தலைமகன்’ போன்ற படங்களிலையும் நடிச்சாங்க. வல்லவன், ஈ போன்ற திரைப்படங்களில நயன்தாராவுக்கு நல்ல கமென்ட்ஸ் வந்திருந்தாலும் தலைமகன் படத்துல அவருக்கு அந்தளவு வரவேற்பு கிடைக்கல.
வல்லவன் திரைப்படத்துல சின்ன ஸ்டார் சிம்புவோட நடிச்ச காட்சிகள தவிர ஏனைய நேரங்களில இருவரும் நெருக்கமா இருக்குற புகைப்படங்கள் வெளியாகி சர்ச்சைய கிளப்பிச்சு. நயன்தாரா சிம்புவோட காதல் அப்போ ரொம்பவே பிரபலமாக பேசப்பட்டிச்சு.
இதற்கிடையில 2007 ஆம் ஆண்டு வெளியாகி ப்ளோக்பஸ்டர் ஹிட் ஆன நம்ம தலயோட ‘பில்லா’ திரைப்படத்துல முக்கியமான கதாநாயகியாக நடிச்சிருந்தாங்க.’ஷாஷா’ அப்படிங்குற பெயரில அந்த கதாபாத்திரத்தில நயன்தாரா கவர்ச்சியாகவும் ரொம்பவே போல்ட் ஆன ஆளாகவும் தன்னை காட்டிக்கொண்டாங்க. இங்க இருந்து தான் அவங்களுக்கு ரசிகர்கள் அதிகமாக ஆரம்பிச்சாங்க. இந்த ஒரு கதாபாத்திரம் அவங்களுக்கு நல்ல வரவேற்ப பெற்றுத்தந்திச்சு. அதுக்கு அப்பறமா ‘யாரடி நீ மோகினி’ திரைப்படத்துல நடிச்சாங்க. இதன் மூலமா அனைவராலும் விரும்பப்பட்ட நடிகை என்கிற விஜய் விருது அவங்களுக்கு கிடைச்சது.
அதுக்கு அப்பறமா சத்யம்,குசேலன், ஏகன் போன்ற திரைப்படங்கள நடிச்சு ஒரே ஆண்டில வெளியாகிச்சு. 2009 ஆம் ஆண்டு ‘ஆதவன்’ , ‘வில்லு’ போன்ற படங்களில நடிச்சு தன்னோட தனித்துவமான நடிப்பின் மூலமா தமிழ் திரையுலகத்துல தனக்கென ஒரு இடத்த பிடிச்சு வச்சிட்டாங்க. 2010 ஆம் ஆண்டு தெலுங்கு மலையாளம்,கன்னடா,தமிழ் ஆகிய மொழிகளில முதன்மையான கதாநாயகியாக நடிச்சதோட அந்த ஆண்டு அந்த திரைப்படங்கள் ப்ளோக்பஸ்டர் ஹிட் அடிச்சது நயன்தாராவுக்கு மேலும் வெற்றிய பெற்றுத் தந்திச்சு.
அதுக்கு அப்பறமா அவங்க சீதாவாக தெலுங்குள நடிச்ச ‘ஸ்ரீ ராம ராஜ்யம்’ திரைப்படம் தமிழிலையும் நல்ல வரவேற்ப பெற்றிச்சு. அதுவரைக்கும் கிறிஸ்தவ மதத்த பின்பற்றின லேடி சூப்பர் ஸ்டார் தன்னோட பெயர நயன்தாரானு அதிகாரப் பூர்வமா பதிவு பண்ணி ஒரு இந்துமதத்திற்கு மாறினாங்க. நயன்தாரா நடனப்புயல் பிரபு தேவா மேல கொண்ட காதலினாலேயே மதம் மாறினாங்க அப்படினு மீடியாவுல ஒரு பக்கம் செய்தி கிளம்ப ஆரம்பிச்சது. ஒரு சில சர்ச்சைகளிலையும், பிரச்சினைகளிலையும் மாட்டிக்கொண்டதால 11 மாதங்கள் நயன்தாரா எந்தத் திரைப்படத்திலையுமே நடிக்க ஒப்புக்கொள்ளவில்லை. தன்னோட காதல் வாழ்க்கை முறிஞ்சு போனதால இப்படி இருக்காங்கனு நிறைய பேர் விமர்சிக்க ஆரம்பிச்சாங்க.
இருந்தாலும் அதுக்கு அப்பறமா தமிழ் திரையுலகத்துல ‘ராஜா ராணி’ திரைப்படத்துல ரஜினா என்கிற கதாபாத்திரத்தை ஏற்று நடிச்சு மீண்டும் தன்னோட தமிழ் திரைபட வாழ்க்கையை தொடர்ந்தாங்க. அதே 2013 ஆம் ஆண்டு தலயோட ஆரம்பம் திரைப்படத்துல தன்னோட மாஸ் என்ட் க்ளாஸ் நடிப்போட ரசிகர்களுக்கு பேரின்பம் கொடுத்தாங்க நயன்தாரா. கதாநாயகிய முதன்மையா வைத்து எடுக்கப்பட்ட ‘அனாமிகா’ என்கிற தெலுங்கு திரைப்படத்துல கதாநாயகிய நடிச்சு தன்னோட தனித்துவமான நடிப்புத் திறன எல்லாருக்குமே காட்டினாங்க.
இந்த திரைப்படம் தான் இதுக்கு பின்னாடி அவங்க கதாநாயகிய மையப்படுத்தி எடுக்கப்பட்ட பல படங்களுக்கு கதாநாயகியாக நடிக்க அடித்தளமிட்டதுனு கூட சொல்லலாம். அதுக்கு அப்பறமா தமிழில ‘மாயா’ என்கிற திரைப்படத்துல கதாநாயகியாக நடிச்சாங்க. 2015 ஆம் ஆண்டு ‘பாஸ்கர் த ராஸ்கல்’ தெலுங்கு திரைப்படத்துலையும் ‘தனி ஒருவன் நான்’ திரைப்படத்துலையும் கதாநாயகியாக நடிச்சாங்க. அதே ஆண்டு ‘நானும் ரவுடி தான்’ திரைப்படத்துலையும் நடிச்சாங்க.
2016 ஆம் ஆண்டு புதிய நியமம், திருநாள், இருமுகன், காஷ்மோரா போன்ற திரைப்படங்களையும், 2017 ஆம் ஆண்டு டோரா, அறம் போன்ற திரைப்படங்களையும் நடிச்சிருக்காங்க.அதுக்கு அப்பறமா ஜெய் சிம்ஹா, கோலமாவு கோகிலா, இமைக்கா நொடிகள், விஸ்வாசம், பிகில், மிஸ்டர் லோக்கல், வேலைக்காரன், தர்பார், மூக்குத்தி அம்மன், அண்ணாத்த, நெற்றிக்கண், ஓ 2, காத்துவாக்குல ரெண்டு காதல் போன்ற பல திரைப்படங்களில நடிச்சு இருக்காங்க.
தமிழ், தெலுங்கு,மலையாளம்,கன்னடானு பல மொழிகளில கிட்டதட்ட 75 இற்கும் மேற்பட்ட திரைப்படங்களில நடிச்சு இருக்காங்க. அதுமட்டுமல்லாம மம்முட்டி, நாகர்ஜூன், ஜெயராம், ரஜினி காந்த், அஜித், விஜய், சரத்குமார், விக்ரம், விஜய் சேதுபதி, ராணா, ஜெயம்ரவி, சூர்யா, எஸ்.ஜே.சூர்யா, தனுஷ், ஜீவா, சிம்புனு எல்லாம் பெரிய நடிகர்கள் கூடவும் நயன்தாரா நடிச்சு இருக்காங்க. ஏகப்பட்ட விருதுகளையும் வாங்கி இருக்காங்க. பல முக்கியமான கதாபாத்திரங்களினாலையும், ப்ளோக் பஸ்டர் திரைப்படங்களில நடிச்சதாலையும் தமிழ் திரையுலகம் அவங்களுக்கு ‘லேடி சூப்பர் ஸ்டார்’ என்கிற பட்டம் கொடுத்து கௌரவப்படுத்தினாங்க. தமிழ் திரையுலகத்தில அதிக சம்பளம் வாங்குற முக்கிய நடிகையாக திகழ்றாங்க லேடி சூப்பர் ஸ்டார் நயன்தாரா.
‘நானும் ரவுடி தான்’ திரைப்பட இயக்குனர் விக்னேஷ் சிவன 5 வருடமா காதலிச்சு 2022 ஜூன் 09ல் திருமணமும் செய்தாங்க. இப்போ இரண்டு இரட்டை ஆண் குழந்தைகளுக்கு தாய் தந்தையாகி இருக்காங்க நயன் மற்றும் விக்னேஷ் சிவன். நயன்தாரா மிகப்பெரிய நடிகையா வளர்ந்து இருந்தாலுமே ஏகப்பட்ட சர்ச்சைகளில சிக்கி இருக்காங்க. அவரோட முதல் காதலர் சிம்புவோட முத்தக்காட்சி புகைப்படமா வைரல் ஆக ஆரம்பிச்சது. இந்த காதல் முறியவே நயன்தாரா பிரபு தேவாவ காதலிச்சாங்க. அவரோட பெயர பச்சை குத்தியிருந்தாங்க. ஏற்கனவே திருமணமான பிரபுதேவாவை காதலிக்கும் நயன்தாரா அப்படினு அவர ரொம்பவே தப்பா விமர்சிக்க ஆரம்பிச்சாங்க.
இதுக்கு அப்பறமா இந்த காதலும் ப்ரேக்கப் தான். இது மாதிரியான காதல் சர்ச்சைகளில சிக்கியிருந்தாலும் நயன்தாராவின் நடிப்பு கொஞ்சம் கூட யாருக்கும் அசந்துகொடுக்கல. ஏகப்பட்ட விருதுகள வாங்கியிருக்காங்க. அதுவும் சிறந்த நடிகை என்ற விருதுகள் தான் ரொம்பவே அதிகம். லேடி சூப்பர் ஸ்டார் நயன்தாரா அவங்களுடைய இந்தப் பயணத்துல எத்தனையோ கஷ்டங்களையும் கவலைகளையும் கடந்து இன்னைக்கு தென்னிந்தியாவோட மிகப்பெரிய நடிகையா வளர்ந்துருக்காங்க. அதுமட்டுமல்லாம 5 வருடமா காதலிச்ச விக்னேஷ் சிவனயே கடைசியில கரம் பற்றினாங்க. தமிழ் திரையுலகத்துல யாருமே நடத்தாத மாதிரி மிகப் பிரம்மாண்டமானளவு தன்னோட திருமணத்த பார்த்து பார்த்து செய்து இருக்காங்க. இவங்களோட திருமணத்த நெட்ஃப்லிக்ஷ் நிறுவனம் வாங்கியிருக்குறதால திருமண செலவே இல்லாம செலவு செய்திருக்காங்க. ஒரு பெண்ணா இந்தளவு மவுஸ் ஓட ஏகப்பட்ட ரசிகர்களுக்கு பிடித்த ஒரு நடிகையாக இருக்க நயன்தாரா உண்மையிலேயே லேடி சூப்பர் ஸ்டார் தான்.!
