கொழும்பிலுள்ள புத்தாண்டு விலைக்கழிவுகள்

2021 Apr 9

இன்னும் சில நாட்களில் மலரவிருக்கும் தமிழ், சிங்கள சித்திரை வருடப்பிறப்பு, நம் எல்லோருக்கும் புத்தாடைகள், எம் உறவினர்களுக்கு வழங்கவிருக்கும் அன்பளிப்புகள் மற்றும் புதிய வருடத்தினை வரவேற்க தேவையான பொருட்களை வாங்குவதற்கான ஆர்வத்தினையும் நம் மனங்களில் விதைக்கிறது. ஏனைய நாட்களில் அதிக விலையில் விற்கப்படும் பொருட்கள் தமிழ், சிங்கள புதுவருட மலர்விற்கு முன் வரும் சில நாட்களுக்கு பல விலைக் கழிவுகளுடன் கொள்வனவுக்காக காட்சிப்படுத்தப்படுகின்றன. உங்களுக்கு கொழும்பில் எந்த கடைகளில் எவ்வாறான விலைக்கழிவுகள் மற்றும் அவை பற்றிய மேலதிக தகவல்களை அறிய வேண்டுமெனில் தொடர்ந்து வாசியுங்கள்.

The Design Collective (த டிசைன் கலக்டிவ்)

இங்கு இரு நாட்களுக்கு வாடிக்கையாளர்கள் கொள்வனவு செய்வதற்காக விலைக்கழிவுகளுடன் கொள்வனவு பொருட்கள் காட்சிப்படுத்தப்பட்டுள்ளன. ஏப்ரல் மாதம் 10ஆம் மற்றும் 11ஆம் திகதி காலை 10.00 மணி தொடக்கம் மாலை 7.00 மணி வரை இந்த விலைக்கழிவு தொடரும். இவர்களது கடையில் காணப்படும் அனைத்து ப்ராண்ட்களும் 40% விலைக்கழிவிலிருந்து ஆரம்பமாகும் வகையில் நாம் பெற்றுக் கொள்ள முடியும்.  இந்த விலைக்கழிவுகள் கொழும்பு 6 இல் உள்ள ஸ்ட்ராட்போர்ட் அவன்யூவில் (Stratford Avenue, Colombo 6) அமைந்துள்ள இவர்களது ஸ்டோரிலும் (flagship store), கொழும்பு 7இல் அமைந்துள்ள பட்டர் புடிக்கிலும் (Butter Boutique) இரு நாட்களுக்கு தொடரும். அத்தோடு மேலதிகமாக கொண்ட கவும், அதிரசம் மற்றும் முறுக்கு போன்ற பலகாரங்களும் விற்பனைக்கு வைக்கப்பட்டுள்ளன. எது எவ்வாறாக இருப்பினும் வீட்டிலிருந்தே தங்களது ஷொப்பிங்கினை தொடர விரும்பும் வாடிக்கையாளர்கள்  www.designcollectivestore.com என்ற இணையத்தளத்திற்கு பிரவேசியுங்கள்.

தொடர்புகளுக்கு: 0769421560
படவரி கணக்கு (Instagram): @thedesigncollectivestore

இவன்ட்ஸ் பை ஷெனாலி (Events by Shenali)

கொழும்பு 7இல் உள்ள ப்ளவர் வீதியில் அமைந்துள்ள தி எம்பஸியில் (The Embazzy, 76/1, Flower Road, Colombo 7) ஏப்ரல் மாதம் 11ஆம் திகதி காலை 10.00 மணி தொடக்கம் மாலை 7.00 மணி வரை விலைக்கழிவுடன் கூடிய பொருட்கள் கொள்வனவுக்காக வைக்கப்படவுள்ளது. குழந்தைகளுக்கான பொருட்களிலிருந்து ஆபரணங்கள் வரை, பைகளிலிருந்து ஆடைகள் வரை காலணிகள், பழமை வாய்ந்த பொருட்கள், மளிகை சரக்குகள், புதிய பழச்சாறுகள், பேக் செய்யப்பட்ட பண்டங்கள் மற்றும் அழகு சாதனப் பொருட்கள் என அனைத்தையுமே இந்த சேலில் பெற்றுக் கொள்ள முடியும். அனைவருக்கும் தேவையான பொருட்களை அங்கு பெற்றுக் கொள்ளக்கூடிய வகையில் இருக்கும்.

தொடர்புகளுக்கு:0713064709
படவரி கணக்கு (Instagram):@eventsbyshenali

பிரியோஸ் மார்க்கட் ப்ளேஸ் (Brios Market Place)

முதல் தடவையாக இந்த தமிழ், சிங்கள புத்தாண்டு காலத்தில் பெலவத்த (Pelawatta) பொப்-அப் சேலினை (pop-up sale) அனுபவிக்கக் கூடியதாயுள்ளது. உள்நாட்டு பொருட்களை விற்பனை செய்யும் விற்பனையாளர்களுடன் கூடியதாக இது முழுமைப்படுத்தப்பட்டுள்ளது.  உணவு, உடை மற்றும் அழகுசாதனப் பொருட்களென உங்களுக்கும் உங்கள் அன்புக்குரியவர்களுக்கும் தேவையான அனைத்தையுமே இங்கு பெற்றும் கொள்ளலாம். ஏப்ரல் மாதம் 10ஆம் திகதி காலை 10.00 மணி தொடக்கம் மாலை 6.00 மணி வரை த ப்ரியோஸ், ஃபியூஷன் கிட்சனிற்கு (the Brio, the fusion kitchen) வருகை தந்து வித்தியாசமான ஓர் ஷோப்பிங் அனுபவத்தை பெற்றிடுங்கள்.

தொடர்புகளுக்கு: 0112885881

ஜெஸா (Jezza)

ஆடைகளை கொள்வனவு செய்ய வேண்டிய தேவையில் இருப்பவர்களுக்காக களுபோவிலையிலும், One Galle Face லும் (Level 2) உள்ள ஜெஸா ஸ்டோர்களில் குறிப்பிட்ட சில தெரிவுசெய்யப்பட்ட ஆடைகளுக்கு 50% விலைக்கழிவு நிர்ணயிக்கப்பட்டு, கொள்வனவுக்காக வைக்கப்பட்டுள்ளது. இந்த தமிழ், சிங்கள புத்தாண்டினை வரவேற்றிட புதிய நவீன நாகரிக ஆடைகளை அனைவரும் கொள்வனவு செய்யக்கூடிய வகையில் ஜெஸா ஸ்டோர்ஸ் உள்ளது. இந்த விலைக்கழிவு ஏப்ரல் மாதம் 11ஆம் திகதி மட்டும் என அறிவிக்கப்பட்டுள்ளது.

தொடர்புகளுக்கு: 0773444602
படவரி கணக்கு (Instagram): @jezzafashion 

F.O.A

One Galle Face ல் அமைந்துள்ள இந்த ஸ்டோரில் பொதுவான ஆடைகள் பல உள்ளடங்கலாகிய F.O.A ஸ்டோரில், டெனிம் உட்பட பல ஆடைகள் 70% விலைக்கழிவுகளுடன் கொள்வனவுக்காக வைக்கப்பட்டுள்ளன. இந்த வாய்ப்பினை தவறவிடாது இப்போதே விரைந்திடுங்கள்.

தொடர்புகளுக்கு: 0112332285
படவரி கணக்கு (Instagram): @f.o.a_clothing

பிக் டீல்ஸ்.lk (Bigdeals.lk)

இலத்திரனியல் சாதனங்களுக்கு எங்கும் இல்லாத 65% வரையிலான விசேட விலைக்கழிவினை Bigdeals.lk நிறுவனத்தினர் வழங்குகின்றனர்.  இச் சலுகையானது ஏப்ரல் மாதம் 11ஆம் திகதி வரை நீடிக்கும். மேலதிக தகவல்களுக்கு கீழுள்ள ஏதேனும் ஓர் வழியில் அவர்களை தொடர்பு கொள்ளுங்கள்.

தொடர்புகளுக்கு: 0115008008
படவரி கணக்கு (Instagram): @bigdealslk

பெவர்லி ஸ்ட்ரீட் (Beverly Street)

இவர்களது இன்ஸ்டாகிரம் பக்கத்தில் கார்ட் உரிமையாளர்களுக்கு சிறப்பு சலுகை உள்ளதாக குறிப்பிட்டுள்ளனர். பெவர்லி ஸ்டீரீட் அனைவருக்குமான ஆடை ஆபரணங்களை தன்னகத்தே கொண்டுள்ளது. ஏப்ரல் 11ஆம் திகதி வரை க்ரெடிட் மற்றும் டெபிட் கார்ட் உரிமையாளர்களுக்கு சிறப்பு சலுகை உண்டு. அத்தோடு 25000 இற்கும் மேற்பட்ட தெரிவு செய்யப்பட்ட பொருட்களுக்கு ராஜகிரிய கிளையில் 50% வரை விசேட விலைக்கழிவு.

தொடர்புகளுக்கு: 0112888688 / 0112564777
படவரி கணக்கு (Instagram): @beverlystreet

ஸிக் ஸாக் (ZigZag)

ZigZag ஒன்லைன் ஷொப்பிங்கில் 50% வரை விலைக்கழிவு உண்டு. இந்த புத்தாண்டுக்கான தரமான ஆடைகளை பெற விரும்பும் பலருக்கு ZigZag ஓர் சிறந்த தேர்வாக இருக்கும்.

தொடர்புகளுக்கு: 0114339746
படவரி கணக்கு (Instagram): @zigzag.lk

அபான்ஸ் (Abans)

எப்போதும் போல தமிழ், சிங்கள புத்தாண்டு கால விசேட சலுகைகளினை இம்முறையும் அபான்ஸ் நிறுவனத்தினர் அறிவித்துள்ளனர். குறிப்பாக வீட்டு பாவனைப் பொருட்களுக்கு சிறப்பான விசேட சலுகைகள் நம்ப முடியாத பல சலுகைத் திட்டங்கள் என பல உண்டு. இவர்களது ஒன்லைன் சேல் ஏப்ரல் மாதம் 12ஆம் திகதி வரை தொடரும். இங்கு 60% வரை விசேட விலைக்கழிவோடு 60 மாத கால கட்டுப்பண வசதி திட்டமும் உண்டு.

தொடர்புகளுக்கு: 0112112112
படவரி கணக்கு (Instagram): @abans_lk

ஸ்கெச்சர்ஸ் (Skechers)

உங்களதும், உங்கள் அன்புக்குரியவர்களதும் மனங்களினை கவரக்கூடிய வகையிலான 50% வரை விலைக்கழிவு. இந்த விசேட சலுகையானது ஏப்ரல் மாதம் 13ஆம் திகதி வரை தொடரும். இன்றே Colombo City Centre, Race Course, Majestic City அல்லது Abans Elite களில் உள்ள ஸ்கெச்சர்ஸ் ஸ்டோர்ஸ்க்கு பிரவேசியுங்கள்.

தொடர்புகளுக்கு: 0718060606

செல்ஸியஸ் லக்ஸரியஸ் பெட்டிங் (Celcius Luxurious Bedding)

இது ஒரு குறிப்பிட்ட காலத்திற்கான ஒன்று வாங்கினால் ஒன்று இலவசம் என்ற சலுகையாகும். இந்தச் சலுகை ஏப்ரல் மாதம் 10ஆம் திகதி வரை தொடரும்.  18”x27” தலையணை உறையினை ரூபாய்1650 இற்கு பெற்றுக் கொள்ள முடியும். இந்தச் சலுகையினை தவறவிடாதீர்கள்.

தொடர்புகளுக்கு: 0114858859

சொப்ட் லொஜிக்.lk (Softlogic.lk)

இது தமிழ், சிங்கள புத்தாண்டு பெருவிழாக்கான சலுகையென்றே கூற வேண்டும். 35% வரையிலான விலைக்கழிவுடன் 60 மாத 0% வட்டியுடனான கட்டுப்பண வசதியும் வழங்கப்படுகின்றது. இந்த சலுகையானது ஏப்ரல் 13ஆம் திகதி வரை தொடரும். ரூபாய் 300 மில்லியன் மதிப்புமிக்க பரிசுகளும் விசேட சலுகை திட்டங்களும் இவர்களது ஸ்டோர்களில் உங்களுக்காக காத்துக் கொண்டிருக்கிறது.

தொடர்புகளுக்கு: 0115128128

ஜியா மொதா (Jia Moda)

மிகவும் சௌகரியமான மற்றும் பிறரின் பார்வைகளை உங்கள் வசம் திருப்பக் கூடிய வகையிலான ஆடைகளை One Galle Face ல் உள்ள ஜியா மொதாவின் மிகப் பெரிய விசேட சலுகையில் ரூபாய் 500லிருந்து பெற்றிடக் கூடிய ஓர் அரிய வாய்ப்பு இது.

தொடர்புகளுக்கு: 0115554150
படவரி கணக்கு (Instagram): @jiamoda

கூல் ப்ளனட் (Cool Planet)

கூல் ப்ளனட் நிறுவனமானது தங்களது வாடிக்கையாளர்கள், க்ரெடிட் கார்ட் உரிமையாளர்கள் 20% வரையிலும் டெபிட் கார்ட் உரிமையாளர்கள் 10% வரையிலும் விலைக்கழிவினை பெற வேண்டும் என்பதற்காக, பல்வேறுபட்ட வங்கிகளுடன் தொடர்பினை மேற்கொண்டு வருகின்றனர். இந்த தமிழ், சிங்கள புத்தாண்டு விசேட சலுகையானது ஏப்ரல் மாதம் 11ஆம் திகதி வரை தொடரும்.

தொடர்புகளுக்கு: 0112505190 (இசிபத்தான மாவத்தை கிளை)
படவரி கணக்கு (Instagram): @coolplanetsl

ஒடெல் (Odel)

Mothercare, Toy Store, Davidoff, Wyos, Luv SL, B Iconic மற்றும் Aldo போன்ற ப்ராண்ட்களுக்கு  Odel ஸ்டோரில் 30% வரை விசேட விலைக்கழிவு.  இந்த சலுகையானது ஒன்லைனில் பெறக்கூடிய வகையில் நிர்ணயிக்கப்பட்டுள்ளது. கார்ட் அடிப்படையிலான சலுகைக்கு அவர்களது ஸ்டோருக்கு பிரவேசியுங்கள்.

தொடர்புகளுக்கு: 0115128128
படவரி கணக்கு (Instagram): @odel.official

வீட்டிலிருந்தபடி கொவிட் தொற்றிலிருந்து தன்னை பாதுகாத்துக் கொள்ள விரும்புபவர்கள் ஒன்லைன் ஷொப்பிங் மூலம் கொள்வனவு செய்துக் கொள்ளலாம். கடைகளுக்கு சென்று கொள்வனவு செய்ய விரும்புபவர்கள் கடைகளுக்கு செல்லும் போது கொவிட்-19 பாதுகாப்பு விதிகளான முக கவசம் அணிதல், கைகளை கழுவுதல் மற்றும் சமூக இடைவெளி போன்றவற்றை தவறாது பின்பற்றுங்கள்.