2020 Nov 4
நவபிரசாதம் 09
உளுந்து வடை
தேவையான பொருட்கள்
உழுந்து – 250கிராம்
சின்ன வெங்காயம் – 50கிராம்
பச்சை மிளகாய் – 6
கறிவேப்பிலை – சிறிதளவு
உப்பு – தேவையானளவு
கொத்தமல்லி தழை – சிறிதளவு
எண்ணெய் – தேவையானளவு
உப்பு – தேவையானளவு
செய்முறை
ஒரு பாத்திரத்தில் நீரூற்றி உழுந்தினை ஒரு மணி நேரத்திற்கு ஊற வைக்கவும்.
உழுந்து ஊறியதும் அதை கழுவி வடித்து கிரைன்டரில் போட்டு இடைக்கிடை தண்ணீர் தெளித்து கெட்டியாக அரைத்து சிறிதளவு உப்பு சேர்த்து இறுதியாக ஒரு சுற்று சுற்றி எடுக்கவும்.
சின்ன வெங்காயம், பச்சை மிளகாய், கறிவேப்பிலை மற்றும் கொத்தமல்லி தழை ஆகியவற்றை கழுவி சிறிய துண்டுகளாக நறுக்கிக் கொள்ளவும்.
நறுக்கி வைத்தவற்றையும் உப்பு தேவையானளவும் அரைத்து வைத்த மாவில் சேர்த்து நன்றாக கலந்துக் கொள்ளவும்.
ஒரு பாத்திரத்தை எடுத்து அடுப்பில் வைத்து எண்ணெய் ஊற்றி எண்ணெய் காய்ந்ததும் சிறிதளவு மாவினை எடுத்து வாழையிலையில் வைத்து துளையிட்டு எண்ணெயில் போடவும். ஒரு புறம் வெந்து வந்ததும் மறுபுறம் திருப்பி போடவும். எண்ணெய் குமிழி வருவது நின்றதும் வடையினை எடுத்துக் கொள்ளவும்.
குறிப்பு – தேவைப்பட்டால் இஞ்ஜி துண்டினை அரைத்தும் சேர்த்துக் கொள்ளலாம்.
இப்போது பூஜைக்கான உழுந்து வடை தயார்.
