அழகை நாடி எந்த பக்கம் மூக்குத்தி குத்துவது நன்மை தரும்…?

எந்த பக்கம் மூக்குத்தி குத்துவது நன்மை தரும்…?

2020 Nov 4

பெண்கள் அதிகம் விரும்பி அணியும் ஆபரணங்களுள் மூக்குத்தியும் ஒன்று. முகத்தின் அழகை மெருகூட்டுவதே மூக்கு தான். அந்த மூக்கிற்கு அழகு சேர்க்கும் ஆபரணமாக மூக்குத்தி திகழ்கிறது. மூக்குத்தி வைத்து பல பாடல்கள் சினிமாவிலும் கவித்தொகுப்புகளிலும் காணப்படுகின்றன. பெண்ணின் மூக்குத்திக் கொண்டு அவள் குணங்களை கணிக்கும் பழக்கமும் நம் வீட்டின் பெரியவர்களிடம் உண்டு. இவ்வாறான பல சிறப்புக்களைக் கொண்ட மூக்குத்தி பற்றிய பல சுவாரசியமான தகவல்கள்.
இதோ…! உங்களுக்காக,

மூக்குத்தி குத்துவதற்கான காரணம்


பெண்கள் மூக்குத்தி குத்துவது பழங்காலந்தொட்டு கடைபிடிக்கபடும் ஓர் சம்பிரதாய நிகழ்வாக திகழ்கிறது. நம் முன்னோர் கண்ட ஒவ்வொரு பழக்கங்களின் பின்னும் ஒவ்வொரு காரணம் இருப்பதுப் போல் மூக்குத்தி குத்துவதன் பின்னும் மறைந்துள்ளது. உடலில் உள்ள வாயுவினை வெளியேற்றுவதற்காக பெண்களுக்கு மூக்கில் மூக்குத்தி குத்தப்படுகிறது.

மூக்குத்தியின் வகைகள்

நவீன யுக பெண்களின் விருப்பங்களுக்கு ஏற்ப மூக்குத்தி பல வகையான வடிவங்களில் கடைகளில் கொள்வனவுக்காக வைக்கப்பட்டுள்ளது. அவற்றுள் சில பிரபல்யமான மூக்குத்தி வகைகள்,
பஞ்சாபி நாத்
நாத்னி
லவங்க மூக்குத்தி
புள்ளக்கு

மூக்குத்தி வெள்ளி, தங்கம், பித்தளை என பல உலோகங்களாளும் வைரக்கல், இரத்தினக்கல் என பல வகையான கற்கள் பதிக்கப்பட்டும் செய்யப்படுகின்றன. எவ்வாறாயினும் தங்க மூக்குத்தி குத்துதல் சிறப்பான ஒன்றாகும். ஏனெனில், தங்கத்திற்கு உடலில் உள்ள வெப்பத்தினை தன்னுள் ஈர்த்து வைத்துக் கொள்ளும் சக்தியுள்ளது.

மூக்குத்தி குத்துவதால் ஏற்படும் நன்மைகள்,
உடலில் உள்ள கெட்ட வாயுக்கள் வெளியாகும். மூக்கின் மடல் பகுதியில் துவாரமிடும் போது அதன் வழியாக நரம்பு மண்டலங்களிலுள்ள கெட்ட வாயுக்கள் அகலும்.
பருவமடைந்த பெண்களுக்கு தலைப்பகுதியில் சில விதமான வாயுக்கள் காணப்படும். மூக்கு குத்தும் போது அவை அகன்று விடும்.

சளி மற்றும் மூக்கு சம்பந்தமான பாதிப்புக்கள் குறையும்.

ஒற்றைத் தலைவலி நீங்கும்.

பார்வைக் கோளாறுகள் ஏற்படாதிருக்கும்.

நரம்பு சம்பந்தமான நோய்கள் ஏற்படாதிருக்கும்.

அடிக்கடி ஏற்படும் மனத்தடுமாற்றத்திலிருந்து பாதுகாத்துக் கொள்ள முடியும்.

மூக்கு குத்தும் முடிவோடு இருப்பவர்களுக்காக இந்த டிப்ஸ்,
வலது பக்கம் மூக்கு குத்தினால் இடது பக்க மூளையின் இயக்கம் சீராகயிருக்கும் அதேப் போல் இடது பக்கம் மூக்கு குத்தினால் வலது பக்க மூளை சீராகயிருக்கும் இருப்பினும் பெண்களுக்கு இடது பக்கம் மூக்கு குத்துவது சிறப்பானதாகும். இதனால் மாதவிடாய் பிரச்சனைகள் மற்றும் பிரசவ காலத்தில் ஏற்படும் வலி குறைவானதாகயிருக்கும் ஏனெனில், பெண்களின் இனப்பெருக்க உறுப்புகள் இடது பக்க மூக்கோடு தொடர்புடையது.

LEAVE A REPLY

Please enter your comment!
Please enter your name here

single_template_7.php