அழகை நாடி பெண்களே! விரல்களிலுள்ள நகங்களை பராமரிக்க வேண்டுமா? இதோ! சில டிப்ஸ்..

பெண்களே! விரல்களிலுள்ள நகங்களை பராமரிக்க வேண்டுமா? இதோ! சில டிப்ஸ்..

2020 Nov 19

பெண்களின் மென்மையான விரல்களுக்கு கிரீடம் அணிவதுப் போல் காட்சியளிப்பவை தான் நகங்கள். இயற்கையாகவே சில பெண்களுக்கு நகம் நீளமாக வளரும் தன்மைக் கொண்டிருக்கும். ஆனால், ஒரு சிலருக்கு நகங்கள் தசைப்பகுதியோடு ஒட்டியவாறு காட்சியளிக்கும். இதற்கான தீர்வினை அறியும் முன் இதற்கான காரணத்தினை அறிதல் அவசியமாகும்.

நகங்கள் நீளமாக வளராதிருப்பமைக்கான காரணங்கள்,
நகங்களினை ஒழுங்கான முறையில் பராமரிக்காமை.

நகங்களை சுத்தம் செய்யாதிருத்தல்.

சீரான இரத்த ஓட்டம் இல்லாமை.

நகம் வளர தேவையான புரோட்டின் மற்றும் இரும்புச்சத்து குறைப்பாடு.

அடிக்கடி நகம் கடித்தல்.

இவ்வாறான காரணிகள் மீது கவனம் செலுத்தி அடற்றிற்கான தீர்வினை நடைமுறைப்படுத்தும் போது நகங்கள் நீளமாக வளரத் தொடங்குகின்றன. நகங்கள் நீளமானதாக வளர்வதற்கு நாம் செய்ய வேண்டிய படிமுறைகள்,
முதலில் சவர்க்காரமிட்டு நகங்களை நன்றாக சுத்தம் செய்துக் கொள்ளவும். அதன் பின் ஓர் சிறிய பாத்திரத்தில் வெந்நீர் ஊற்றி சிறிதளவு உப்புத்தூள் மற்றும் Baby wash ஆகியவற்றை கலந்து சராசரியாக 5 நிமிடங்களுக்கு நகங்களை ஊற விடவும். நகங்கள் ஊறியதும் சிறிய ப்ரஷ் ஒன்றினால் நகங்களை மெதுவாக தேய்த்து குளிர்ந்து நீரினால் கழுவி சுத்தம் செய்துக் கொள்ளவும்.

பூண்டு ஒரு துண்டை எடுத்து தோல் உரித்து நறுக்கி அதனை நகங்களின் மீது தேய்த்து மசாஜ் செய்து குளிர்ந்த நீரினால் கழுவிக் கொள்ளவும். இதனால் நகங்கள் வலிமைப் பெறும்.

ஒலிவ் ஒயில் சிறிதளவினை எடுத்து நகங்களை தினமும் மசாஜ் செய்து வந்தால் இரத்த ஓட்டம் சீராகி நகங்கள் நீளமானதாக வளர தொடங்கும்.

எலுமிச்சை பழத்தினை துண்டுகளாக வெட்டி 10யிலிருந்து 20நிமிடங்கள் வரை நகங்களினை மசாஜ் செய்து வந்தால் நகங்களினை ஆரோக்கியமானதாக பேணி பாதுகாக்க முடியும்.

நகங்களை வளர்த்தால் மட்டும் போதாது அவை உடையாது அழகுடன் இருக்க அவற்றை பாதுகாத்து பராமறிக்க வேண்டும். அதற்காக சில டிப்ஸ்,
நகம் வளர்ந்தவுடன் அவற்றை கடித்து துப்புதலை செய்யக் கூடாது. நகத்தினை பிடித்த வடிவங்களில் வெட்டுவதற்கு அதற்கான உபகரணங்களை பயன்படுத்த வேண்டும்.

வாரம் ஒரு முறை ஒலிவ் ஒயில் மசாஜ் செய்ய வேண்டும்.

 

கைகளை கழுவும் போது நகங்களையும் சுத்தம் செய்துக் கொள்ள வேண்டும்.

நகங்கள் உடையக்கூடிய பெரிய வேலைகளை செய்வதை தவிர்க்க வேண்டும்.

நகங்கள் விரல்களுக்கு கீரிடமாவதும் விரல்களின் அழகினை சீர்குலைப்பதும் நாம் பராமரிக்கும் முறையில் தான் உள்ளது.

LEAVE A REPLY

Please enter your comment!
Please enter your name here

single_template_7.php