எந்த திரைப்படத்திலும் நாடகங்களிலும் ஏன் குறுந்திரைப்படங்கள் ரீல்ஸ் என எந்த ஊடக படைப்புகளை எடுத்துக் கொண்டாலும் அதிகம் குறும்பு நிறைந்ததாகவும் பாசம் பொங்கி வழிவதாகவும் சித்தரிக்கப்படும் உறவுகளில் அண்ணன்-தங்கை உறவும் ஒன்று. அண்ணனுக்காக தங்கை துடிப்பதும் தங்கைக்காக அண்ணன் துடிப்பதும் என பார்ப்பவர்களின் மனதினை கொத்தாக பறித்து சென்று விடுகிறது. இந்த கதாபாத்திரங்களின் பாசப் போராட்ட காவிய வசனங்கள். ஆனால் நிஜ வாழ்வில்… டொம் & ஜெரி கார்ட்டூன் தான். இதை வாசிக்கும் போது நீங்கள் நகைத்தாலும் உண்மை அதுவே. அதாவது திரைப்படத்தில் வருவது போல் “நீங்க நம்பலனாலும் அதான் நிசம்”. “சரி சிரித்தபடி வர்ணித்தது எல்லாம் போதும் தலைப்புக்கு வா!” என மனதில் திட்டி தீர்க்காதீர்கள்! தலைப்புக்கு போகலாம் வாருங்கள்.

பொதுவாக சகோதர பாசம் எதிர்பாலினராக இருக்கும் பந்தங்களுள் அதிகமாக இருக்கும். அதாவது அக்கா – தங்கையை விட அக்கா – தம்பி உறவில் பாசம் கூடுதலாக இருக்கும், அண்ணன்-தம்பி உறவை விட அண்ணன்-தங்கை உறவில் பாசம் அதிகம். பொறுமையாக கதையினை கேளுங்கள். பாசம் மட்டுமல்ல முட்டி கொள்ளும் அளவும் அதிகம் தான். அவர்களுள் வரும் சண்டைகளும் அவர்கள் செய்யும் அலப்பறைகளும் எண்ணிலடங்காதவை. இந்த பதிவில் அண்ணன் – தங்கை பந்தத்தில் உள்ள அலப்பறைகளை அலசுவோம் வாருங்கள்.

பாசமலர்கள் – எத்தனையோ அண்ணன்-தங்கை படங்கள் வந்தாலும் அந்த காலத்து சிவாஜி சாவித்திரியின் பாசமலர்கள் படத்தை தான் இன்று வரை நாம் அந்நியோன்யமாக இருக்கும் அண்ணன்-தங்கை உறவுகளை உருவகிக்க பயன்படுத்துகிறோம். அது ஏன்? சரி அதற்கான பதிலை தேடுவதற்கு முன் சமீபத்தில் வெளி வந்த ‘அண்ணாத்த’ படத்தினை சிந்தித்து பார்ப்போமா? திரையரங்குகள் காலியாக ஓரிருவர் மட்டும் அமர்ந்து பார்க்கும் படியாக அந்த திரைப்படம் மாறி விட்டது. இப்போது இதனை சொல்ல காரணம் அதிகளவிலான பாசத்தினையும் சென்டிமென்ட் வசனங்களையும் திரைப்படத்தில் எவ்வளவு பெரிய நடிகர் வந்து பேசினாலும் நமக்கு அலுத்து விடுகிறது. காமெடியாக தெரிகிறது. இப்போது தெரிகிறதா ஏன் நாம் பாசமலர்கள் படத்தினை உவமையாக கூறுகிறோம் என்று… ஏனெனில் நமக்கே தெரியும் அவ்வாறான அளவுகடந்த சென்டிமென்ட்டான அன்பு அண்ணன்-தங்கை எவருமே இல்லை. அது வெறும் கதை. அதனால் தான் நாம் அந்நியோன்யமான அண்ணன்-தங்கையை கண்டவுடன் “சரி… சரி… நடிக்காதிங்க” என கூறுவதற்கு பதிலாக “பாசமலர்கள் சிவாஜி-சாவித்திரியையே மிஞ்சிருவிங்க போலயே” என கூற தொடங்கி விட்டோம். இது ஓர் வகையில் வஞ்ச புகழ்ச்சி தான் என்பது கூட அறியாத அப்பாவிகளும் உண்டு.

ரிமோட் சண்டை – அதிகளவில் அண்ணன்-தங்கைக்கு இடையில் வருவது இந்த ரிமோட் சண்டை தான். அது ஏன்? இருவரும் எதிர்பாலினர் ஆகையால் அவர்களது இரசனையிலும் அதிகளவிலான வேறுபாடுகள் இருக்கும். அதுவும் இப்போது இருக்கும் சந்ததியினர் தொலைபேசி தொலைகாட்சி என மூழ்கி கிடக்கும் இயந்திர தாசர்கள். அதனால் சரியாக தங்கைக்கு பிடித்த சினிமா பாடல் போகும் போது அண்ணனுக்கு பிடித்த மெட்சில் இறுதி சுற்று போய்க் கொண்டிருக்கும். சரி அதன் பிறகு வீட்டில் அந்த ரிமோட் படும் அவஸ்தையினை சொல்லவா வேண்டும்.

காதலுக்கு தூது – அண்ணன் காதலுக்கு தங்கைகள் உதவி செய்ய மறுப்பதில்லை. ஆனால் அதற்கு பதில் தமக்கு பிடித்த விடயங்களை சன்மானமாக வாங்கி கொள்வார்கள். அதுவும் அதிகார தொனியுடன். இது இவ்வாறு இருந்தாலும் தங்கை யாரையும் காதலிப்பதாக இல்லை. இல்லை நட்போடு ஒரு ஆணோடு பழகுவது தெரிந்தால் கூட அந்த உறவினை முறிக்கும் எமனாக அண்ணன்கள் உருவெடுத்து விடுவார்கள். அதற்கு காரணத்தை கேட்டால் “அவன் என்ன மைன்ட் செட்ல இவளோட பழகுவானு எனக்கு தான் தெரியும்” என டயலோக் விடுவார்கள்.

அண்ணனுக்கு உடை இல்லை – இப்போது பெண்கள் அணியும் உடைகளாக அனைத்தும் மாறி வருகிறது. அதனால் அண்ணனின் உடைகளில் தனக்கு பொருத்தமாக அழகாக இருக்கும் உடைகளை கூட அவர்கள் விட்டு வைப்பதில்லை, எடுத்து அணிந்து விடுவார்கள். அதன் பின் அது அவர்களுக்கு தானாக சொந்தமாகி விடும். அது ஏனென்றால் அண்ணனின் மனநிலை அவ்வாறானது ஏனெனில் “இவ போட்டு வெளிய போன ட்ரஸ நான் எப்டி போட்டு போறது? என்ன அப்றம் பொம்பள புள்ள ட்ரஸ் போடுறேனு சொல்லுவாங்க” என கூறி சண்டையை தொடங்குவான். அண்ணனால் பலி வாங்கலின் பொருட்டு தங்கையின் உடையை அணிந்து செல்ல இயலாது. அதனாலோ என்னவோ இறுதியில் ஆடை பற்றாக்குறை வருவது அண்ணனுக்கே! இதனால் வாக்குவாதம் வருவதும் தங்கை அடி வாங்குவதும் காலப்போக்கில் அவளுக்கு பழகி போய் விடுகிறது அதனால் அடியும் வார்த்தையும் எந்தவொரு மாற்றமும் தரப்போவதில்லை.

சாப்பாட்டு சண்டை – ஒவ்வொரு வீட்டிலும் பெண் பிள்ளையை விட ஆண் பிள்ளைக்கு இறைச்சி, மீன், முட்டை அதிகமாக பரிமாறப்படுவது வழக்கம். அதற்கு மறைமுகமான காரணம் அந்த குடும்பத்துக்காக எதிர் வருங்காலங்களில் காலநிலை மாற்றம் பாராது அயராது உழைக்க இருப்பவன் அவன் தானே என்ற பரிதாபமும் பாசமும் கலந்த பெற்றோரின் மனநிலை. இது பெண் பிள்ளைகளுக்கு தெரிவதில்லை. அவர்கள் எனக்கு வேண்டும் என கேட்பதில்லை. “இருக்கத எல்லாம் அவன் தட்டுலயே வைக்றிங்க எனக்கும் வைங்க” என்று தான் கேட்பார்கள். இங்கு ஆரம்பமாகும் சண்டை கேலியில் வளர்ந்து சில சமயம் இருவரும் பட்னியாக உறங்கும் நிலை உருவாக காரணமாகிறது.

பெண்ணியம் பேசுவமா? – இன்றும் வீட்டில் பெண் பிள்ளை தான் வேலை செய்ய வேண்டும், பெண் பிள்ளைகள் மாலை ஆன பின் வெளியில் செல்ல அனுமதிக்கபடாமை என பல வழக்கங்கள் நடைமுறையில் உள்ளது. அண்ணனோடு பிறந்தாலே அந்த பெண் வாய் சண்டையில் திறன் படைத்தவளாக இருப்பாள். அவளிடம் இவற்றை நடைமுறைபடுத்த முயல்கையில் அரங்கேற இருக்கும் விவாதங்கள் பற்றி கூறவா வேண்டும். அதுவும் அவளுக்கு அவளுடைய அண்ணனை வேலை வாங்காமல் வளர்ப்பதும் மாலையில் வெளியில் அனுமதிப்பதும் வாதத்தில் வெற்றி பெறுவதற்கு முன் வைக்கப்படும் ஒப்பிடல் சாட்சிகளாக மாறி விடுகிறது. இறுதியில் அவள் பெண்ணியத்திற்கு தனியே குரல் கொடுத்து ஓய்ந்து போகும் அளவிற்கு அவளது அண்ணன் பெற்றோர் காதில் கேட்கும் கேட்காதபடி இருக்க ஐடியா கொடுத்து வைத்திருப்பான். இந்த சண்டையில் தோல்வி தங்கைக்கே. ஒரு வேளை அண்ணனை காக்கா பிடித்து முயன்றிருந்தால் வெற்றி பெறலாமோ என்னவோ!

அப்பாவும் தங்கையும் ஒரு கட்சி – அண்ணனுடன் ஏற்படும் சண்டைகளில் தோல்வி அடைவதாக தெரிந்தாலோ அல்லது அண்ணன் அதிகமாக கேலி செய்வதால் பொறுமை இழந்தாலோ உடனே அடி வாங்காமலயே கையை பிடித்து கொண்டு “அப்பா…. அண்ணா அடிக்றான்ப்பா…. ஐயோ அடிக்காத அண்ணா… வலிக்குது….” என முதலை கண்ணீர் வடித்து கதறியழுவார்கள். இதை அறியாத அப்பாவி அப்பாக்கள் அண்ணனை வெளுத்து வாங்குவார்கள். ஆமாம். அது ஏன் அப்பா? ஏனென்றால் அம்மாக்கு தான் மகளின் நாடகம் தெரியுமே. அது எவ்வாறெனில் ஒரு பெண்ணின் மனது ஒரு பெண்ணுக்கு தானே தெரியும்.

அண்ணனுக்கு பிடித்த சமையல் – அப்பாக்கள் எப்படி மகளின் கட்சியோ அம்மாக்கள் மகனின் கட்சி. அப்பாவை பகைத்தால் பொக்கெட் மணி கட் ஆகும் ஆனால் அம்மாவை பகைத்தால் உப்பு உரைப்பில்லாத சோறு தான். அம்மாக்களின் அதிகாரம் சமையலறை தானே. எப்போதும் வீட்டில் அம்மாக்களின் செல்ல மகன்களுக்கு பிடித்த சாப்பாடு தான் அனைவருக்கும் சமைக்கப்படும். இது தங்கைகளுக்கு பொறாமை தீயில் வாட்டி வதங்கிடும் சூழல் அமைத்து கொடுக்கும் ஆனால் அதற்கு ஒன்றும் செய்ய முடியாது அப்பா அடித்த போது அம்மா அமைதியாய் இருந்தாற் போல் இப்போதும் அமைதியாய் சாப்பிட வேண்டியது தான்.

அண்ணனுக்கு சப்போர்ட் – அண்ணன் செய்கிற சிறிய சிறிய தவறுகளை எல்லாம் தவறில்லை என வாதிட்டு காப்பாற்றும் வக்கில்களாக அம்மாக்கள் மாறி விடுகிறார்கள். ஆனால் மகளின் தவறுகளை துப்பறிந்து கோர்த்து விடும் துப்பறிவாளர் ஆக செயற்படுகிறார்கள். இதற்கு காரணமாக பலவற்றை கூறலாம். ஆனால் தலைப்பு திசைமாறி சமூக சமத்துவம் பற்றி பேசுவதாக மாறி விடும்.

தங்கையின் தோழிகள் – தங்கையின் அழகான தோழிகளின் இலக்கத்தை திருட்டுதனமாக எடுத்து பேசி மாட்டிக் கொள்ளும் போது அண்ணனின் மூக்கு உடைக்கப்பட்டு அடிக்கடி பயமுற்று தங்கை கேட்பதை எல்லாம் செய்யும் அடிமையாக மாற்றப்படுகிறான். அதே போல் தங்கை அண்ணனின் நண்பர்களுடன் கதைத்தால்… அதற்கான வாய்ப்பு குறைவு தான் ஏனெனில் அவள் அவளது அண்ணனையே ஒரு பொருட்டாக மதிப்பதில்லை அவ்வாறு இருக்கையில் எப்படி?

அண்ணன் கல்யாணம் – தங்கையின் சிறகுகள் 25 இல் உடைக்கப்பட்டு பிடித்தாலும் பிடிக்காவிட்டாலும் கல்யாண கூண்டுக்குள் தள்ளப்படுகிறது. ஆனால் அண்ணனுக்கு அவன் எப்போது அதைப் பற்றி சிந்திக்கிறானோ அப்போது தான். இது ஒவ்வொரு பெண் பிள்ளையும் பொறாமை கொள்ளும் விடயம். அத்தோடு அண்ணனின் காதலுக்கு எளிதில் பச்சை கொடி காட்டும் பெற்றோர் தங்கைகளின் காதலுக்கு ஒரு கையில் சிவப்பு கொடியும் ஒரு கையில் விஷ போத்தலும் ஆக காட்சியளிப்பார்கள். வாசிக்கையில் வேடிக்கையாக தோன்றலாம். ஆனால் இது நாம் சிந்தித்து மாற்ற வேண்டிய ஒன்று.

தங்கையை சைட் அடிப்போர்களுக்கு – அண்ணனிடம் வந்து தன்னிடம் வம்பு செய்யும் ஆடவர்கள் பற்றி புகார் அளிக்கையில் “நீ உன் வாய திற ஓடிருவான்” என கேலிக்கு உள்ளாக்கப்பட்டு தங்கை திரும்ப அனுப்ப படுகிறாள். ஆனாலும் தங்கையை விட்டு கொடுக்காது மறைமுகமாக அந்த ஆடவர்களை கண்டிப்பதும் உண்டு.

இவ்வாறாக அண்ணன் தங்கைகள் செய்யும் அலப்பறைகள் ஏராளம். எந்தளவுக்கு முரண்பாடுகளும் சண்டைகளும் சினமும் அதிகமாக உள்ளதோ, அதே அளவிலான பாசமும் பிணைப்பும் அவர்களிடையே உண்டு. ஒருவரை ஒருவர் எப்போதும் விட்டு கொடுக்க மாட்டார்கள். திருமணத்தின் பின் கூட தங்கைக்கு ஒரு துயரமென்றால் அண்ணனும், அண்ணனுக்கு ஒரு துயரமென்றால் தங்கையும் தான் முன் சென்று உதவுவது அதிகம். சகோதர பந்தங்கள் தொப்புள் கொடியினால் மட்டுமல்ல பாசத்தின் பிணைப்பாலும் உருவாகலாம். எது எவ்வாறு இருப்பினும் ஆரம்பத்தில் சொன்னது போல் அவர்கள் டொம் & ஜெரி என்ற கார்ட்டூன் கதாபாத்திரம் போன்றவர்களே. ஒருவர் இல்லாது இன்னொருவர் ஓர் நொடியினை கடத்தலும் கடினம் தான்.

கசப்பான பாகற்காயில் உங்கள் ஆரோக்கியத்திற்கு நன்மை செய்யக்கூடிய பல ஊட்டச்சத்துக்கள் உள்ளன. இது இரத்த சர்க்கரையை குறைப்பதோடு தொடர்புடையது என்றும், சில ஆய்வுகள் இது நீரிழிவு சிகிச்சையில் உதவும் என்று கூறுகின்றன.
கசப்பான பாகற்காய் ஒரு நிரப்பு அல்லது மாற்று மருந்தாக கருதப்படுகிறது. எனவே, கசப்பான பாகற்காயின் பயன்பாடு நீரிழிவு அல்லது வேறு எந்த மருத்துவ நிலையிலும் உணவு மற்றும் மருந்து நிர்வாகத்தால் (FDA) அங்கீகரிக்கப்படவில்லை.

கசப்பான பாகற்காய் மற்றும் நீரிழிவு பற்றி ஆராய்ச்சி என்ன சொல்கிறது?
பிட்டர் பாகற்காய் உடலின் இரத்த சர்க்கரையை குறைப்பதில் தொடர்புடையது. ஏனென்றால், கசப்பான பாகற்காய் இன்சுலின் போல செயல்படும் பண்புகளைக் கொண்டுள்ளது, இது குளுக்கோஸை ஆற்றலுக்காக செல்களுக்குள் கொண்டு வர உதவுகிறது.

கசப்பான பாகற்காயின் நுகர்வு உங்கள் செல்களில் குளுக்கோஸைப் பயன்படுத்தவும், அதை உங்கள் கல்லீரல், தசைகள் மற்றும் கொழுப்புக்கு நகர்த்தவும் உதவும். பாகற்காயின் உங்கள் இரத்த ஓட்டத்தில் முடிவடையும் குளுக்கோஸாக மாற்றுவதைத் தடுப்பதன் மூலம் உங்கள் உடலில் ஊட்டச்சத்துகளைத் தக்கவைக்க உதவலாம்.

கசப்பான பாகற்காய் இரத்த சர்க்கரையை நிர்வகிக்க முடியும் என்பதற்கான சான்றுகள் இருந்தபோதிலும், நீரிழிவு அல்லது நீரிழிவு நோய்க்கான அங்கீகரிக்கப்பட்ட சிகிச்சை அல்லது மருந்து அல்ல.

பல ஆய்வுகள் கசப்பான பாகற்காய் மற்றும் நீரிழிவு நோயை ஆய்வு செய்துள்ளன. நீரிழிவு மேலாண்மைக்கு முலாம்பழத்தின் எந்த வடிவத்தையும் பயன்படுத்துவதற்கு முன்பு அதிக ஆராய்ச்சி நடத்த பரிந்துரைக்கப்படுகிறது.

கசப்பான முலாம்பழம் ஆரோக்கியமான மற்றும் மாறுபட்ட உணவின் ஒரு பகுதியாக உண்ணப்படலாம். உங்கள் இரவு உணவிற்கு அப்பால் கசப்பான முலாம்பழத்தை உட்கொள்வது ஆபத்தை ஏற்படுத்தலாம்

கசப்பான முலாம்பழத்தின் ஊட்டச்சத்து நன்மைகள்
காய்கறிகளின் பண்புகளைக் கொண்ட ஒரு பழமாக, பாகற்காயில் வைட்டமின் ஏ மற்றும் சி மற்றும் இரும்புச்சத்து உள்ளது. இது மருத்துவ குணம் கொண்டதாக பல கலாச்சாரங்களால் அங்கீகரிக்கப்பட்டுள்ளது

கசப்பான பாகற்காய் ஒரு வெப்பமண்டல காய்கறி ஆகும். இது ஆசியா, ஆப்பிரிக்கா மற்றும் கரீபியன் பகுதிகளில் வளர்க்கப்படுகிறது. இது அதன் கசப்பான சுவைக்காக அறியப்படுகிறது. பல்வேறு ஆரோக்கிய நன்மைகள் இருப்பதாக கருதப்படுகிறது. மிருதுவான தோல் கொண்ட சீன கசப்பான பாகற்காய் மற்றும் கூரான தோலைக் கொண்ட இந்திய கசப்பான பாகற்காய் உட்பட பல்வேறு வகையான காய்கறிகளை நீங்கள் காணலாம்.

கசப்பைக் குறைக்க பாகற்காயை குளிர்ந்த நீரில் பல மணி நேரம் ஊற வைக்கவும். வெட்டப்பட்ட பாகற்காயை ஒரு பெரிய கிண்ணத்தில் வைக்கவும், குளிர்ந்த நீரில் அதை மூடி வைக்கவும். பாகற்காயை 1 முதல் 3 மணி நேரம் ஊறவைக்க அனுமதிக்கவும், ஒவ்வொரு மணி நேரமும் தண்ணீரை மாற்றி, முடிந்தவரை கசப்பை நீக்கவும்.

பாகற்காயிலிருந்து கசப்பை நீக்கும் போது, ​​​​அதில் இருந்து கசப்பு சாறுகளை வெளியேற்றுவதற்கு உப்பு பெரிதும் உதவியாக இருக்கும். நீங்கள் செய்ய வேண்டியது என்னவென்றால், வெட்டப்பட்ட துண்டுகளை நிறைய உப்பு சேர்த்து தேய்க்க வேண்டும். ஒரு பாத்திரத்தில் துண்டுகளை மாற்றி, சமைப்பதற்கு முன் 20-30 நிமிடங்கள் இருக்க அனுமதிக்கவும்.

எண்ணம் போல் வாழ்க்கை
எண்ணம் போல் தான் வாழ்க்கை..!

அழகாய் அமைவதெல்லாம் வாழ்க்கையல்ல. அமைவதை அழகாய் மாற்றுவதே வாழ்க்கை. அது உங்களின் எண்ணங்களில் தான் அடங்கியுள்ளது. உங்கள் எண்ணங்கள் நல்லதாக இருந்தால் நீங்களும் நல்ல பாதையில் பயணித்துக் கொண்டிருக்கிறீர்கள் என்று அர்த்தம். உங்கள் எண்ணங்கள் தீயதாக இருந்தால் நீங்கள் நல்ல பாதையை விட்டு விலகுகிறீர்கள் என்று அர்த்தம். ஒருவனுடைய நல் வாழ்க்கை அவனின் நல் எண்ணத்தில்தான் அடங்கியுள்ளது. எண்ணங்களில் நேர்மறையான எண்ணங்கள் எழுவதுமுண்டு. எதிர்மறையான எண்ணங்களும் எழுவதுண்டு. நேர்மறையான எண்ணங்கள் பலமான வலயம் போன்றது. எதிர்மறையான எண்ணங்கள் பயத்தை தரவல்லது ஆகவே எப்போதும் நேர்மறையாக சிந்தியுங்கள். நேர்மறை மற்றும் எதிர்மறையான எண்ணங்கள் என்றால் என்ன என்பதற்கு கீழுள்ள படத்தை பார்த்து இதோ ஒரு சிறிய உதாரணம்.

நீங்கள் எதுவாக நினைக்கிறீர்களோ அதுதான் உங்களுடைய உலகம். எதிர்மறையான எண்ணங்கள் நம்மை நிம்மதியாகவே வாழ விடாது. நேர்மறையான எண்ணங்கள் எவ்வளவு தான் நாங்கள் துயரத்தில் இருந்தாலும் நம்மை மகிழ்ச்சியாக வாழ வைக்கும். மேலுமொரு உதாரணத்தை பார்க்கலாம்.

இந்த படத்தில் இரு பக்கமும் இரு வேறு விதமான எண்ணங்கள் தென்படுகிறது.
எதிர்மறையான எண்ணத்தின் பக்கத்திலிருக்கும் தந்தை தன் மகனை பார்த்து ‘நீ நல்லா படிக்கலைனா கடைசில இப்படிதான் இருப்ப’ என்று வீதியைப் பெருக்கும் ஒரு தொழிலாழியை கை காட்டி சொல்கிறார். மற்ற பக்கத்தில் இருக்கும் தந்தை தன் மகனிடம் ‘ நீ நல்லா படிச்சா. இது போல இருக்கும் நிறையபேருக்கு நல்ல வாழ்க்கைய உருவாக்கி கொடுக்கலாம்’ என்று தன்னுடைய மகனின் மனதில் நல்ல சிந்தனையை விதைக்கிறார். நாம் மட்டும் நேர்மறையாக சிந்தித்தால் போதுமா? நம் குழந்தைகளுக்கும் நம்மை சுற்றி இருப்பவர்களுக்கும் அதைக் கற்றுத்தரவேண்டும்.
நல்ல சிந்தனைகளும்,குறிக்கோள்களும் நேர்மறையான எண்ணமிருப்பவர்களை சுற்றிக்கொண்டிருக்கும். அதாவது அவர்களைச் சுற்றியிருக்கும். ‘என்னால் முடியாது, வெற்றி கிடைக்காது’ என்றெல்லாம் தானே கணக்குப்போட்டு எண்ணிக்கொள்ளும் எதிர்மறையான எண்ணக்காரர்களுக்கு தொட்டதெல்லாம் தோல்விதான். நினைப்பு முழுக்க பயம் தான். நல்லதே நினைக்க நல்லதே நடக்கும் என்பதுபோல நல்ல எண்ணங்களை வளர்த்துக்கொள்ளுங்கள்.உங்கள் வாழ்க்கையில் நிச்சயம் வெற்றி கிடைக்கும். நீங்கள் விரும்பியதை உங்களை வந்து சேரும். உங்களால் முடியுமென்று எண்ணினால் நிச்சயம் முடியும். உங்களால் முடியாதென்று எண்ணினால் நிச்சயம் முடியாது தான். என்ன எண்ணுகிறோம் என்பதல்ல விஷயம். எப்படி எண்ணுகிறோம் என்பது தான் முக்கியம். உங்கள் எண்ணத்தை பொறுத்தே உங்கள் வாழ்க்கையும் அமைகிறது.நினைத்ததையும் என்றாவது ஒரு நாள் சாதித்து காட்டுவீர்கள் உங்கள் எண்ணங்கள் நேர்மறையானால்!

எண்ணிக்கை என்றுமே வாழ்க்கையை முடிவு செய்வதில்லை. எண்ணங்கள் தான் முடிவு செய்கிறது. எண்ணம் போலே வாழ்க்கை!

பட்ஜெட் பட்டியல்

மஞ்சரி நுகெகொட (Manjari Nugegoda) (ரூபாய்500 இற்கும் அதிகமாக)

மஞ்சரி நுகெகொடயில் உள்ள மிகப் பெரிய ஷொப்பிங் நிலையமாகும். இங்கு வீட்டு பாவனை பொருட்கள் தொடக்கம் அலங்கார பொருட்களோடு ஆண், பெண் இரு பாலருக்குமான ஆடைகள் வரை கொள்வனவுக்காக காட்சிப்படுத்தப்பட்டுள்ளன. நீங்கள் இங்கு உங்கள் வீட்டுக்கு தேவையான அனைத்தையுமே கொள்வனவு செய்துக் கொள்ள முடியும். 

விலாசம்: 136, எஸ்.டி எஸ்.ஜெயசிங் மாவத்தை, நுகெகொட. 

மினிகுட் (Minigood) (ரூபாய்500 இற்கும் அதிகமாக)

 உங்கள் அன்புக்குரியவர்களுக்கு நீங்கள் க்யூட்டான பரிசுகளை அளிக்க விரும்பினால் மினிகுட் சரியான தேர்வாக இருக்கும். இங்கு க்யூட்டான அழகிய பரிசளிக்க கூடிய பொருட்கள் தொடக்கம் அழகுசாதன பொருட்கள் வரை உள்ளன. இவர்களது கிளைகள் ராஜகிரிய, தெஹிவள மற்றும் ஒன் கால் பேஃஸிலும் உள்ளது. 

பெவர்லி ஸ்ட்ரீட் (Beverly Street) (ரூபாய்500 இற்கும் அதிகமாக)

உங்கள் குடும்பத்துக்கு தேவையான ஷொப்பிங் செய்ய சிறந்த இடம் பெவர்லி ஸ்ட்ரீட் ஆகும். இங்கு ஆண், பெண் மற்றும் குழந்தைகளுக்கான டிரென்டி தயாரிப்புகள் உள்ளன. இதன் கிளைகள் பம்பலபிட்டிய மற்றும் ராஜகிரியவில் காணப்படுகின்றன. 

விலாசம்: 475/C, ஸ்ரீ ஜவர்த்தனபுர மாவத்தை, வெலிகட, ராஜகிரிய. 

த பெக்டரி ஹவுட்லட் (The Factory Outlet) (ரூபாய்700 இற்கும் அதிகமாக) 

இங்கு ஐரோப்பிய மற்றும் அமெரிக்காவின் பிரபலமான சாதாரண ஆடை ப்ராண்ட்கள் மற்றும் ஏனைய பொருட்களை கொள்வனவு செய்துக் கொள்ளலாம். இதன் கிளைகள் ஜா-எல, கல்கிசை, பெலவத்த மற்றும் திம்பிரிகசாயவில் காணப்படுகின்றன. 

ஸ்டோரின் விலாசம்: 192, ஹெவ்லொக் வீதி, கொழும்பு. 

நோலிமிட் (NOLIMIT) (ரூபாய்700 இற்கும் அதிகமாக)

இலங்கையிலுள்ள பெரிய ப்ஃஷென் நிறுவனங்களில் நோலிமிட்டும் ஒன்றாகும். இதன் பெரிய ஸ்டோரானது பொரல்லையில் டி.எஸ்.சேனநாயக்க மாவத்தையில் அமைந்துள்ளது. இது உங்கள் பட்ஜெட்க்கு ஏற்ற தரமான பொருட்களை பெறக்கூடிய சிறந்த தெரிவாக இருக்கும். 

விலாசம்: டி.எஸ்.செனநாயக்க மாவத்தை, பொரல்ல.

த ப்ரான்ட்ஸ் வர்ஹவுஸ் (The Brands Warehouse) (ரூபாய்1,000 இற்கும் அதிகமாக)

வர்ஹவுஸ் பதினைந்து வருட கால அனுபவம் பெற்ற வோல்சேல் மார்க்கெட்டாகும். இங்கு உங்களுக்கு தேவையான ஆடைகளை உங்களது பட்ஜெட்டிற்குள் கொள்வனவு செய்துக் கொள்ளலாம். இங்கு ஆண் பெண் இருபாலருக்குமான ஆடைகளோடு குழந்தைகளுக்கான ஆடைகள் மற்றும் விளையாட்டு பொருட்களையும் உங்கள் அன்புக்குரியவருக்கு நீங்கள் பரிசாக வழங்குவதற்கான கிஃட் வௌச்சர்களையும் இங்கு பெற்றுக் கொள்ளலாம். 

விலாசம்: 25, காலி வீதி, வெள்ளவத்தை.

மினிசோ (Miniso) (ரூபாய்1,000 இற்கும் அதிகமாக)

ஜப்பானிய இலத்திரனிய, அழகுசாதன மற்றும் க்யூட்டான பரிசுப் பொருட்கள் என நல்ல தெரிவுகளை கொண்ட ஸ்டோராக மினிசோ திகழ்கிறது.  

விலாசம்: 525, யூனியன் ப்ளெஸ், கொழும்பு 02.

அப்டவுன் கென்டி (Uptown Kandy) (ரூபாய்1,000 இற்கும் மேலதிகமாக)

ஆண் பெண் இருவருக்குமான ஆடைகள், கைப்பைகள், காலணிகள் என அனைத்து வகையான பொருட்களையும் கொண்டுள்ள அப் டவுனானது உங்களுடைய கடைசி நிமிட கிறிஸ்துமஸ் ஷொப்பிங்கினை செய்யக் கூடிய இடமாகும். இங்கு ஷொப்பிங் செய்து களைப்படைந்தால் நீங்கள் அதே மாலில் உள்ள கஃபே இல் ரிப்ஃரெஷ் ஆகிக் கொள்ளலாம்.

விலாசம்: லிபர்டி ப்ளாஸா, இல. 14, இரண்டாம் மாடி, ஆர்.ஏ.டி மெல் மாவத்தை, கொழும்பு 03.

லேடி ஜே Lady J  (ரூபாய்850 இற்கும் மேலதிகமாக)

ஆண், பெண், குழந்தைகள் என அனைவருக்குமான ஆடைகளையும் கொள்வனவு செய்ய கூடிய இடமாகவும் உங்கள் குழந்தைகள் சென்டாவிடம் கேட்பதற்காக பட்டியலிட்டு வைத்துள்ள லிஸ்ட்டினை பூர்த்தி செய்யும் வகையில் கொள்வனவு செய்யக் கூடிய இடமாகவும் உங்கள் குடும்ப அங்கத்தவர்கள் ஒவ்வொருவருக்குமான பரிசினை கொள்வனவு செய்யக் கூடிய இடமாகவும் லேடி ஜே விளங்குகிறது. இவர்களது கிளைகள் பொரல்ல மற்றும் மஹரகமயில் உள்ளன. 

விலாசம்: 993, மருதானை வீதி, பொரல்ல.

ஸ்ப்ரிங் & சமர் (Spring and Summer) (ரூபாய்900 இற்கும் மேலதிகமாக)

உங்கள் வாழ்வில் மிகவும் முக்கியமான பெண்ணிற்கான பரிசினை தெரிவு செய்வதில் குழப்பம் கொண்டுள்ளீர்களா? அவ்வாறெனில் ஸ்ப்ரிங் என்ட் சமர் உங்களுக்கான சிறந்த தேர்வாக அமையும். இது இலங்கையின் பிரபலமான பெண்களுக்கான சிறந்த ப்ராண்ட்களில் ஒன்றாகும். இங்கு சாதாரண மற்றும் போஃர்மல் ஆடைகள் அனைத்தும் கிடைக்கின்றன. இவர்களது கிளைகள் நுகெகொட, வத்தளை, பாணந்துறை மற்றும் மஹரகமயில் உள்ளன. 

விலாசம்: 14/15A, ஆர்.ஏ.டி மெல் மாவத்தை, கொழும்பு 05.

தி ஹவுட்லெட் ஸ்டோர் (The Outlet Store) (ரூபாய்1,000 இற்கும் அதிகமாக)

இங்கு ஆண் பெண் மற்றும் குழந்தைகளுக்கான ஆடைகள், ஜுவலரிகள், வாசனை திரவியங்கள் மற்றும் கடிகாரங்களை கொள்வனவு செய்துக் கொள்ள முடியும். 

விலாசம்: இல.142, பௌத்தலோக மாவத்தை, கொழும்பு 4.

Average 

ஹவுஸ் ஒப் பெஷன் (House of Fashion) (ரூபாய்1,500 இற்கும் அதிகமாக)

இலங்கையின் ப்ஃஷென் லேன்ட் மார்க்காகா திகழ்கிறது. உங்களது அனைத்து வகையான ஷொப்பிங் தேவைகளையும் நிறைவு செய்யக் கூடிய இடமாக திகழ்கிறது. இங்கு அனைத்துமே உங்களது பட்ஜெட்டிற்குள் கொள்வனவு செய்யக் கூடிய விலையில் கிடைக்கும். இவர்களது கிளைகள் பொரல்ல மற்றும் பம்பலபிட்டியில் உள்ளன. 

விலாசம்: 101, டி.எஸ்.செனநாயக்க மாவத்தை, கொழும்பு 8, பொரல்ல.

பெஷன் பக் (Fashion Bug) (ரூபாய்1,500 இற்கும் அதிகமாக)

இலங்கையின் ப்ஃஷென் முன்னோடி நிறுவனங்களில் இதவும் ஒன்று. இங்கு ஆண், பெண் மற்றும் குழந்தைகள் என அனைவருக்குமான தெரிவுகளை பெற முடியும். இவர்களது கிளைகள் மஹரகம, நுகெகொட, வெள்ளவத்தை, மொறட்டுவ, தெஹிவளை–கல்கிசை, வத்தளை மற்றும் கொட்டாஞ்சேனையில் உள்ளன.  

கூல் ப்ளனட் (Cool Planet) (ரூபாய்1,500 இற்கும் அதிகமாக)

இங்கு வீட்டு பாவபை பாருட்கள், ஆடைகள் என அனைத்தும் கொள்வனவு செய்துக் கொள்ள முடியும். இங்குள்ள பொருட்களின் விலை அதற்கு பொருத்தமானதாகவே இருக்கும். கொழும்பில் பல இடங்களில் இவர்களது கிளைகள் காணப்படுகின்றன.  

விலாசம்: 61, இஸிபத்தன மாவத்தை, கொழும்பு 5.

அரியென்டி (Arienti) (ரூபாய்1,500 இற்கும் அதிகமாக)

இங்கு பெண்களுக்கான அழகாக வடிவமைக்கப்பட்ட ட்ரென்டியான பாவாடைகள், ஜம்ப் சூட் என அனைத்துமே கொள்வனவு செய்துக் கொள்ள முடியும்.

விலாசம்: 546, காலி வீதி, கொழும்பு 3.

ஜிப்ளொக் GFlock (ரூபாய்1,800 இற்கும் அதிகமாக)

புதிய மற்றும் காலத்திற்கேற்ப மாறிவரும் ட்ரென்ட்களுக்கு பொருத்தமான வகையில் வடிவமைக்கப்படும் ஆடைகளை இவர்கள் விநியோகிக்கின்றனர். நிகழ்கால ட்ரென்ட்க்கு ஏற்ற புதிய ஆடைகளை கொள்வனவு செய்துக் கொள்ளக்கூடிய ஆண் பெண் இருபாலருக்குமான சரியான தெரிவாக ஜிப்ஃளொக் விளங்குகிறது.  

விலாசம்: 299, காலி வீதி, கொள்ளுப்பிட்டி.

காட்டன் கலெக்ஷன் (Cotton Collection) (ரூபாய்2,000 இற்கும் அதிகமாக)

ட்ரென்டியான மாலை நேர நிகழ்வுகளுக்கான ஆடைகள், க்யூட்டான ஆடைகள், ஸ்டைலான ஆண் பெண் இருவருக்குமான ஆடைகளை இங்கு கொள்வனவு செய்துக் கொள்ள முடியும். அதுமட்டுமன்றி ஆடைகளோடு வீட்டு பாவனை பொருட்களும் இங்கு உண்டு.  

விலாசம்: 143, தர்மபால மாவத்தை, கொழும்பு 7.

ஹவுஸ் ஒப் கிப்ட்ஸ் (House of Gifts) (ரூபாய்650 இற்கும் அதிகமாக)

இங்கு டைனின் செட், கேக்ஸ் மற்றும் மலர்கள் மற்றும் பரிசளிக்க கூடிய பொருட்கள் என அனைத்துமே கொள்வனவுக்காக விநியோகிக்கப்பட்டுள்ளன. 

ஸ்டோரின் விலாசம்: 4A, பகத்தல வீதி, கொழும்பு 3.

லிபர்டி ப்ளாஸா (Liberty Plaza) (ரூபாய்1,000 இற்கும் அதிகமாக)

ஆடைகள் முதல் எலக்ட்ரானிக்ஸ் வரை அனைத்துமே இங்கு கொள்வனவு செய்துக் கொள்ளலாம். இங்கு புத்தகங்கள், வீட்டுப் பாவனை பொருட்கள், காலணிகள், வாசனை திரவியங்கள் மற்றும் கண்ணாடி போன்றவற்றை கொள்வனவு செய்துக் கொள்ளலாம். எலக்ட்ரானிக்ஸ் சாதனங்களுக்கான ஜீனியஸ் மொபைல், ஆர்வமுள்ள கலைஞர்களுக்கான பென்ஹவுஸ் என பல உண்டு. உங்களுக்கு தேவையான ஸ்டேஷனரிகளை நீங்கள் கொள்வனவு செய்துக் கொள்ளலாம்.  பிரபலமான டெனிம் கடையான லெவியும் இங்கு அமைந்துள்ளது.

விலாசம்: ஆர்.ஏ.டி மெல் மாவத்தை, கொழும்பு 3.

மெரினோ மால் (Marino Mall) (ரூபாய்1,000 இற்கும் அதிகமாக)

மரினோ மால் என்பது கொழும்பின் மையத்தில் அமைந்துள்ள மற்றுமொரு ஷாப்பிங் சென்டராகும். இங்கு உங்கள் தேவைகளுக்கு ஏற்ற பல்வேறு பொருட்களை நீங்கள் கொள்வனவு செய்துக் கொள்ளலாம்.  உடைகள் மற்றும் வீட்டுப் பொருட்கள் முதல் தளபாடங்கள், அழகுசாதனப் பொருட்கள், காலணிகள், நகைகள், பொம்மைகள் மற்றும் எலக்ட்ரானிக்ஸ் வரை உங்கள் அன்புக்குரியவர்களுக்கு சரியான பரிசைக் தெரிவு செய்ய சிறந்ந இடமாகும். 

விலாசம்: No. 590, காலி வீதி, கொழும்பு 3.

கொழும்பு சிட்டி சென்டர் (Colombo City Centre) (ரூபாய்1,500 இற்கும் அதிகமாக)

ஆடைகள் முதல் இலத்திரனியல் பொருட்கள் மற்றும் வாசனை திரவியங்கள், நகைகள், குழந்தை பராமரிப்பு, காலணிகள், பேஷன் பொருட்கள் மற்றும் உயர்தர பரிசுத் தெரிவுகள் வரை, உங்கள் அனைத்து ஷாப்பிங் தேவைகளுக்கும் கொழும்பு சிட்டி சென்டர் ஒரு தளமாக அமைகிறது. 

விலாசம்: 137, சர் ஜேம்ஸ் பிரிஸ் மாவத்தை, கொழும்பு 2.

The K-9 (ரூபாய்1,000 இற்கும் அதிகமாக)

உங்களுடைய செல்ல பிராணிகளான நாய், பூனை மற்றும் பறவைகளுக்கான பரிசுகளினை தெரிவு செய்யக் கூடிய ஓர் சிறந்த இடமாக The K-9 திகழ்கிறது. 

விலாசம்: 86, நாவல வீதி, நுகெகொட. 

பேர் ப்ஃட் (Barefoot) (ரூபாய்1,500 இற்கும் அதிகமாக)

பழைய காலத்து சின்னமான நெசவு பேர்ப்ஃட்டில் உங்களுடைய  ஷொப்பிங்கினை மகிழ்ச்சியானதாக மாற்றும். வீட்டுப் பொருட்கள், ஆடைகள், நகைகள், ஸ்டேஷனரி மற்றும் பொம்மைகள் போன்றவற்றை இங்கு கொள்வனவு செய்துக் கொள்ளலாம். 

ஸ்டோரின் விலாசம்: 704, காலி வீதி, கொழும்பு 3.

நைல்ஸ் ஸ்டோர் (Nils Store) (ரூபாய்1,500 இற்கும் அதிகமாக)

பெண்களுக்கான கம்ப்ஃர்ட்டான உயர் தர மற்றும் நன்கு வடிவமைக்கப்பட்ட மெக்ஸி கவுன்கள், கெஷுவல் ஆடைகள் மற்றும் போர்மல் ஆடைகளை இங்கு கொள்வனவு செய்துக் கொள்ளலாம். 

விலாசம்: இல. 216, ஹை லெவல் வீதி, நுகெகொட.

மிமோசா (Mimosa) (ரூபாய்1,500 இற்கும் அதிகமாக)

உங்களது தன்நம்பிக்கையை மேலும் வலுப்படுத்தக் கூடிய நல்ல தரமான பெண்ணியத்துடன் கூடிய நச்சென இருக்கக் கூடிய க்லாஸியான பெண்ணியத்தின் சாயலுடன் கூடிய ஆடைகளை மிமோசாவில் கொள்வனவு செய்துக் கொள்ளலாம். 

விலாசம்: 355, ஆர்.ஏ.டி மெல் மாவத்தை, கொழும்பு 3.

சபான்ஸ் (Saffans) (ரூபாய்1,500 இற்கும் அதிகமாக)

தரத்திற்கேற்ற விலையுடன் கூடிய நல்ல மற்றும் நீண்ட காலம் பாவனைக்கு உட்படுத்தக் கூடிய ஆண், பெண் மற்றும் சிறுவர்களுக்கான காலணிகளோடு திருமணத்திற்கான காலணிகளையும் இங்கு கொள்வனவு செய்துக் கொள்ள முடியும். 

ப்ளக்ஷிப் ஸ்டோரின் விலாசம்: எஸ்.டி.எஸ்.ஜெயசிங் மாவத்தை, நுகெகொட.

செருப்பு (Sereppu) (ரூபாய்1,500 இற்கும் அதிகமாக)

பல தரப்பட்ட செருப்புகள் மற்றும் காலணிகளை தயாரிக்கின்ற ப்ராண்டாக இது விளங்குகிறது. இவர்களது கிளைகள் புதிய காலி வீதி, மொறட்டுவ ஆகிய இடங்களில் உள்ளன. அத்தோடு இவர்கள் ஒன்லைன் ஸ்டோரினையும் பேணி வருகின்றனர். 

விலாசம்: No. 86B/1, புதிய காலி வீதி, மொறட்டுவ.

நையிரா ஷூஸ் (Niera Shoes) (ரூபாய்1,500 இற்கும் அதிகமாக)

திருமணம், வேலைத் தளம் மற்றும் பார்டிகள் போன்ற எந்தவொரு சூழலுக்கும் ஏற்றவாறான காலணிகளை (சேன்டல்ஸ, டை-அப்ஸ், சப்பாத்து மற்றும் ஹீல்ஸ்) ஆகியவற்றை கொள்வனவு செய்துக் கொள்ளக் கூடிய இடமாக நையிரா ஷூஸ் திகழ்கிறது. உங்களுடைய காதலியை அழகான காலணிகளை பரிசளித்து சர்ப்ரைஸ் செய்யுங்கள். 

விலாசம்: 436/f,  கொட்டாவ வீதி, வல்கம-அதுருகிரிய வீதி.

மொன்டி (Mondy) (ரூபாய்1,500 இற்கும் அதிகமாக)

பெண்களுக்கான டிசன்ட்டான ப்ஃபோர்மல் ஆடைகளோடு காலணிகள் மற்றும் ஏனையவற்றை கொள்வனவு செய்துக் கொள்ளக் கூடிய இடமாக மொன்டி திகழ்கிறது. விலை சற்று அதிகமாக இருந்தாலும் அவற்றின் தரம் சிறப்பானவை. 

ப்ளக்ஷிப் ஸ்டோரின் விலாசம்: இல. 78, ஸ்ரீமத் அநகரிக தர்மபால மாவத்தை, கொழும்பு 3. 

மெஜஸ்டிக் சிட்டி (Majestic City) (ரூபாய்1,500 இற்கும் அதிகமாக)

சிறந்த, எளிதான மற்றும் நம்பகமான ஷாப்பிங் அனுபவத்திற்கு MC என்று  பலராலும் அறியப்படும் மெஜஸ்டிக் சிட்டி சிறந்த இடமாகும்.  இங்கு பிரபலமான பிராண்டுகளின் விற்பனை நிலையங்களோடு  நீங்கள் எதிர்பார்க்கும் சிறிய கடைகளும் உள்ளன. நீங்கள் Glow, ODEL, Mondy, Cotton Collection, Triumph, Hameedia போன்றவற்றில் ஆடைகளை கொள்வனவு செய்துக் கொள்ளலாம்.

அழகுசாதனப் பொருட்கள் மற்றும் வாசனை திரவியங்களை கொள்வனவு செய்ய நீங்கள் பார்ஃப்யூமேரி, சென்ஸ் ஆகியவற்றிற்கும்  ஸ்டேஷனரி மற்றும் புத்தகங்களை கொள்வனவு செய்ய பென்ஹவுஸ், புக் சிட்டி மற்றும் யூனிக் கிரியேஷன்ஸ் ஆகியவற்றிற்கும் பிரவேசிக்கலாம். 

ஐபோன்கள், ஆப்பிள் தயாரிப்புகள் மற்றும் அவற்றின் பாகங்கள் பாகங்கள் i-Max இல் விற்கப்படுகின்றன. கேமரா மண்டலம், ரெட்லைன் டெக்னாலஜிஸ் போன்ற கடைகளில் மற்ற மின்னணு சாதனங்களை கொள்வனவு செய்துக் கொள்ளலாம். 

கிஃப்ட் கேட் கலெக்‌ஷன், ப்ரீட்டி திங்ஸ், தி பாட்டர் ஷாப் போன்ற அற்புதமான கிஃப்ட் ஸ்டோர்கள் MC இல் கொண்டுள்ளது.

சூப்பர்மார்க்கெட் ஷாப்பிங்கிற்கு, கார்கில்ஸ் ஃபுட் சிட்டி உம் காணப்படுகிறது. 

விலாசம்: 10, ஸ்டேஷன் வீதி, கொழும்பு 4. 

கெலி பெல்டர் (Kelly Felder) (ரூபாய்1,500 இற்கும் அதிகமாக)

பெண்கள் மற்றும் டினேஜர்ஸக்கான ட்ரென்டியான ஆடைகளை பெறக் கூடிய இடமாக கெலி பெல்டர் உள்ளது. இங்கு நீங்கள் ப்ஃஷென் மீது அதிகம் ஈடுபாடு கொண்டவருக்கான பரிசுகளை தெரிவு செய்துக் கொள்ளலாம். இவர்களது கிளைகள் கொழும்பில் பல இடங்களில் காணப்படுகின்றன. 

ஸ்டோரின் விலாசம்: 345, காலி வீதி, கொழும்பு 3, மற்றும் எஸ்.டி.எஸ் ஜெயசிங் மாவத்தை, நுகெகொட.

ப்ளஷ் மீ (Blush Me) (ரூபாய்1,500 இற்கும் அதிகமாக)

நல்ல சுய பராமரிப்பினை விரும்பும் ஒருவருக்கு பரிசினை தெரிவு செய்ய சிறந்த ஒன்லைன் ஸ்டோராக ப்ளஷ் மீ திகழ்கிறது. இங்கு ஆண், பெண் இருவருக்குமான பொடி க்யார், ஹேர் க்யார் என பல பெக்குகள் உள்ளன. அதுமட்டுமன்றி நெயில் க்யார் மற்றும் மேக்-அப் தயாரிப்புகளும் உண்டு. 

You can find them at www.blushme.lk. 

ரொமபோர் (Romafour) (ரூபாய்1,500 இற்கும் அதிகமாக)

உங்களுடைய அன்புக்குரியவர்களுக்கான பரிசினை தெரிவு செய்யக் கூடிய வகையிலான ஆண், பெண் மற்றும் சிறுவர்களுக்கான ஆடைகளோடு பொருட்களை பட்ஜெட்க்கு ஏற்றவாறு விநியோகிக்கும் இடமாக ரொம்போர் விளங்குகிறது. 

விலாசம்: 04, 71, காலி வீதி, கொழும்பு 4. 

ஸிக் ஸாக் ஸ்டோர் (ZigZag Store)

ட்ரென்டியான மொடர்ன் ஆடைகள் பெற்றுக் கொள்ளக் கூடிய ஒரே இடமாக இந்த ஸிக் ஸாக் திகழ்கிறது.  

விலாசம்: இல. 17, சார்ல்ஸ் ட்ரைவ், கொழும்பு 3. 

உயர் தரம்

ஜெஸா (Jezza) (ரூபாய்1,900 இற்கும் அதிகமாக)

பெண்களுக்கான ஆடைகள் முதல் டொப்ஸ் வரை சிறப்பான கலெக்ஷனை ஜெஸா கொண்டுள்ளது. 

விலாசம்: டபிள்யூ பி, தெஹிவள–கல்கிசை

த பொடி ஷொப் (The Body Shop) (ரூபாய்1,900 இற்கும் அதிகமாக)

உங்களுக்கு நீங்களே பரிசளிக்க கூடிய சிறந்த மற்றும் நம்பகத்தன்மையுடைய தோல் பராமரிப்பு தயாரிப்புகளை பெறுவதற்கான சரியான தெரிவு த பொடி ஷொப் ஆகும். 

விலாசம்: 1/1, ப்ளடினம் ஒன் பில்டிங், பகத்தல வீதி, கொழும்பு 3.

ஜெனெல் (Genelle) (ரூபாய்2,000 இற்கும் அதிகமாக)

நீண்ட காலம் பாவிக்க கூடிய மற்றும் தரமான காலணிகளை ஸ்பொட் லைட் விநியோகிக்கின்றனர். இதன் விலை அதிகமாக இருந்தாலும் விலைக்கேற்ற மதிப்பினை கொண்டதாக இருக்கிறது. 

விலாசம்: இசிபத்தான மாவத்தை, கொழும்பு 5. 

ஸ்ப்லாஷ் (Splash) (ரூபாய்2,000 இற்கும் அதிகமாக)

ஆண், பெண், இளம் வயது குழுவினர் மற்றும் குழந்தைகளுக்கான ட்ரென்டியான கலெக்ஷன்ஸினை விநியோகிக்கும் தளமாக ஸ்ப்லாஷ் திகழ்கிறது. இங்கு ஆடைகளோடு காலணிகள் மற்றும் ஏனைய பொருட்களும் உண்டு. 

விலாசம்: 15, ப்ஃசல்ஸ் வீதி, கொழும்பு.

கையிலி ஏஞ்சல் (Kylie Angel) (ரூபாய்2,000 இற்கும் அதிகமாக)

போஃர்மல் மற்றும் பார்டிக்கான பல வடிவமைக்கப்பட்ட தரமான துணிகளை கொண்டு தயாரிக்கப்பட்ட ஆடைகள் விநியோகிக்கப்படும் இடமாக திகழ்கிறது. இவர்களது கிளைகள் நுகெகொட மற்றும் ராஜகிரியவில் உள்ளது. 

ப்ளக்ஷிப் ஸ்டோரின் விலாசம்: 209, ஹை லெவல் வீதி, நுகெகொட.

கெலி பெல்டர் (Kelly Felder) (ரூபாய்2,000 இற்கும் அதிகமாக)

கொழும்பிலுள்ள இளம் பெண்களிடையே மிகப் பிரபலமான தெரிவாகவும் சாதாரண மற்றும் பார்டியில் அணியக்கூடிய ஆடைகள் கொள்வனவு செய்துக் கொள்ளக்கூடிய இடமாகவும் கெலி பெல்டர் திகழ்கிறது. 

ஸ்டோரின் விலாசம்: 345, காலி வீதி, கொழும்பு 3.

அவிரேட் Avirate (ரூபாய்2,000 இற்கும் அதிகமாக)

பெண்களுக்கான ஆடைகளை விநியோகிக்கும் இந்த உலகளாவிய ஃபேஷன் பிராண்ட் நாட்டின் முன்னணி ஆடை உற்பத்தியாளர்களில் ஒருவருக்கு சொந்தமானது மற்றும் அவராலே நிர்வகிக்கப்படுகிறது. 

ஸ்டோரின் விலாசம்: 30, மெயிட்லென்ட் க்ரசன்ட், கொழும்பு 7.

கெலரியா (Galleria) (ரூபாய்2,500 இற்கும் அதிகமாக)

பல்வேறுபட்ட சர்வதேச ப்ராண்களின் தயாரிப்புகளை கொள்வனவு செய்துக் கொள்ளக் கூடிய சிறந்த இடமாக கெலரியா திகழ்கிறது.

ப்ளக்ஷிப் ஸ்டோரின் விலாசம்: ஹெவ்லொக் வீதி, கொழும்பு 5.

ஸிக்மா ஜோன்ஸ் (Zigma Jones) (ரூபாய்2,500 இற்கும் அதிகமாக)  

உங்களுடைய சாதாரண ஆடை, உத்தியோக ஆடைகள் மற்றும் பார்டிகளுக்கு அணியக் கூடிய ஆடைகள் என உங்களுடைய ஒவ்வொரு ஆடை தேவையையும் பூர்த்தி செய்யக் கூடிய தளமாக ஸிக்மா ஜோன்ஸ் திகழ்கிறது. நீங்கள் ஸிக்மாவிலிருந்து கொள்வனவு செய்து பரிசளிக்கவுள்ள ஒவ்வொரு பரிசையுமே உங்களுடைய காதலிகள் நிச்சயம் விரும்புவார்கள். 

விலாசம்: No. 323, Colombo-Galle Main Road, Colombo 4.