இரத்தினக்கல் தொழிற்துறையில் உலகளாவிய ரீதியில் இலங்கைக்கென்று தனித்துவமான செல்வாக்கு இருக்கின்றது. அதிலும் இலங்கைக்கே சிறப்பான நீலக்கல் இரத்தினங்களுக்கு வரலாற்று ரீதியாக உலகளவில் கேள்வி இருந்து வருகிறது. இவ்வாறாக இலங்கையின் பொருளாதார அபிவிருத்தியில் கனிய வளங்களே முக்கிய இடத்தைப்பெறுகின்றன. இவ்வாறான கனியவளங்களின் வரிசையில் காரியம், சுண்ணாம்புக் கற்கள், களிமண் வகைகள், கனிய மணல் வகைகள், இரும்புத்தாது, உப்பு மற்றும் இரத்தினக்கல் முதலியன இலங்கையின் முக்கிய கனிய வளங்களாக இருந்து வருகின்றன. இதில் இரத்தினக்கற்களே பிரதான வருவாய் ஈட்டும் கனிம வளமாக இருக்கின்றமை குறிப்பிடத்தக்கது.

இலங்கையின் கனிய வளங்களில் அதிக அந்தியச் செலாவணியை ஈட்டித் தரும் கனிய வளமாக இருக்கின்ற அதேவேளை இலங்கை நாட்டின் ஏற்றுமதிகளில் கனிய வளங்கள் மூன்று சதவீத பங்காக இருக்கின்றமை ஆச்சரியமே. சர்வதேச விற்பனை சந்தை வீதத்தில் இலங்கை  25%  பங்களிப்பை செய்வதுடன்,  அதன் மொத்த பெறுமதி  ஆண்டொன்றுக்கு  $350 மில்லியன் வரை இருக்கலாம் என கூறப்படுகிறது. உலகில் இரத்தினக்கற்களை உற்பத்தி செய்யும் பிரதான நாடுகளான பிரேசில், பர்மா, தாய்லாந்து, தென்னாபிரிக்கா என்னும் நாடுகளின் வரிசையில் இலங்கை ஐந்தாவதாகவுள்ளது. இலங்கையின் இரத்தினக்கல் தொழில்துறையின் வரலாற்று பாரம்பரியத்தை பிரதிபலிக்கும் குறிப்புகளாக உண்மையில் ” Ceylon Sapphire ” இனூடா உலகின் பிரீமியம் வண்ணக் கல் என்ற அடையாள அங்கீகாரத்தை இலங்கைக்கு கொடுத்துள்ளன.

இவ்வாறு இலங்கையின் மொத்த தேசிய வருமானத்தில் முக்கிய பங்கு வகிக்கும் இரத்தினக்கற்களானது அதிகம் காணப்படும் பிரதேசமாக இரத்தினபுரி நகரம் காணப்படுகின்றது. இதனாலேயே தான் இலங்கையின் “இரத்தினத் தலைநகரம்” என இரத்தினபுரி அழைக்கப்படுகின்றது. இவை தவிர பண்டைய  காலத்தில் இருந்தே இலங்கையானது இரத்தினக்கற்களுக்குப் புகழ் பெற்ற நாடாக இருந்து வருகிறது.

கிரேக்க, அரேபிய, ரோம, சீன வர்த்தகர்கள் இலங்கையுடன் இரத்தினக்கல் வியாபாரத்தில் ஈடுபட்டுள்ளதாக ஆய்வுகள் கூறுகின்றன. அதனாலேயே இலங்கை ‘இரத்தினத் தீபம்’ என்ற பெயர் பெற்று விளங்கியது. அது மட்டும் அல்லாமல் “முடிவில்லாத சுவர்க்கம்” ,“புதையல் தீவு”, “இரத்தினத் தீபம்”, “ரத்தினக் கல் தீவு” , “ரத்னா த்வீபயா”,  என பல்வேறான பெயர்களை வெளிநாட்டவர்கள் பெயரிட்டார்கள். அத்தோடு வரலாற்று குறிப்பொன்றில் ” மேகமற்ற இரவின் மின்னும் நட்சத்திரங்களை வெளிச்சம் போட்டுக் காட்ட மினுமினுக்கும் வண்ணமயமான ரத்தினக் கற்களின் தீவு” என் இலங்கை சிறப்பிக்க பட்டுள்ளது. ஒரு வணிக வழிகாட்டி “எரித்ரியன் கடலின் பெரிப்ளஸ்” முதல் நூற்றாண்டில் இலங்கையின் வளங்களில் இரத்தினக்கல் பற்றிய குறிப்புகளை வழங்கியுள்ளதாக கருதப்படுகிறது.

அத்துடன் பண்டைய காலத்தில், அமெரிக்கா, ஐரோப்பா போன்ற சந்தைகளுடன் ஜப்பான் சந்தைகளிலும் இலங்கை இரத்தினக்கற்களுக்கு பெரும் கிராக்கி இருந்ததாக உள்ளூர் வர்த்தகர்கள் சுட்டிக்காட்டுகின்றனர். இதில் குறிப்பிடத்தக்க விடயம் என்னவென்றால் இலங்கை, பர்மா மற்றும் காஷ்மீர் இரத்தினக்கற்களுக்கே உலகளாவிய ரீதியில் பெரும் கிராக்கி இருப்பதாக வர்த்தகர்கள் சுட்டிக்காட்டுவதே. இலங்கையானது இரத்தினக் கற்களை மிகப் புராதன காலத்திலிருந்து வர்த்தகம் செய்து வருகின்றது. இந்நிலையில்  இலங்கை அபிவிருத்தி அடைந்துவரும் நாடாக இருப்பதால் இரத்தினக்கல் அகழ்வு மற்றும் வர்த்தகத்தை மேம்படுத்தல் கைத்தொழில் அபிவிருத்தி கனிய வளங்களை மேம்படுத்தி அதன் மூலம் உச்சகட்ட வருவாயை பெறுவதாக அமையும்.

2021 இந்த ஆண்டின் முதல் அரைப் பகுதியில் மட்டும் 48 மில்லியன் அமெரிக்க டாலர்கள் வரையிலும் இரத்தினக் கல் ஏற்றுமதி மூலம் இலங்கை ஈட்டியுள்ளது. முந்தைய ஆண்டின் இதே காலப்பகுதியுடன் ஒப்பிடும் போது, 35 வீத அதிகரிப்பாக இந்த வருமானம் அமைந்துள்ளது. 1991 இல் இரத்தினக் கற்களின் ஏற்றுமதி மூலம் இலங்கைக்கு 5165 மில்லியன் ரூபா வருமானமாகக் கிடைத்துள்ளமை குறிப்பிடத்தக்கது.பிரேசிலுக்கு அடுத்தபடியாக  இலங்கை,   50 க்கும் மேற்பட்ட வகையான இரத்தினக் கற்களை உற்பத்தி செய்யும் நாடாக திகழ்கின்றது.

இத்தகைய பெறுமதி மிக்க  இரத்தினக்கற்கள் ஆற்றுப் பள்ளத்தாக்குகளிலும் மலையடிவாரங்களிலுமே உருவாக்குகின்றன. இரத்தினபுரி இத்தகைய ஒரு மலையடி வாரத்தில் அமைந்துள்ள நகரம் என்பது குறிப்பிடத்தக்கது. அண்மைக்காலத்தில் ஒக்பிட்டி, அலகா ஆகிய பிரதேசங்கள் இரத்தினக்கல் அகழ்தலில் முக்கியம் பெற்றன. அத்துடன் பத்தலை, அவிசாவளை, பெல்மதுளை, பலாங்கொடை, இறக்குவானை போன்ற இடங்களும் இரத்தினக்கற்கள் காணப்படும் இடங்களாக அறியப்பட்டு உள்ளன.

இரத்தினக் கற்கள் மண்பரப்பை தோண்டப்படுதலின் மூலமே பெறப்படுகின்றன. இவ்வாறு தோண்டப்படும் சுரங்கங்களை ‘இரத்தினக்கற் சுரங்கம்’ என்பர். இதற்கு நரம்புப் படை அல்லது நாளப்படை எனும் சரளைக் கற்படை பரப்பில் தான் தோண்டப்படும். நாளப்படை என்பது அழுத்தமான வட்டக் கற்களைக் கொண்டிருக்கும். நாளப்படை வரை தோண்டப்படும் போது நாளப்படை வந்ததும் துலாவின் உதவி கொண்டு சில தொழிலாளர்கள் தேங்கியிருக்கும் நீரை வெளியேற்றுவர், வேறு சிலர் இரத்தினக்கற்கள் உள்ள நாளப்படை மண்ணை வெளியேற்றுவர். இவ்வாறு வெளியேற்றப்படும் படல மண் ‘இரத்தினக்கற் படலம்’ என அழைக்கப்படும். மேலே கொண்டுவரப்பட்ட இம்மண் அரிதட்டில் இடப்பட்டு கழுவப்படும். கழுவப்பட்ட பின் அடையாளம் காணப்பட்ட இரத்தினக் கற்களை, அழுத்தமான வட்டக் கற்களில் இருந்து பிரித்து எடுப்பர். இத்தகைய இரத்தினக்கல் அகழ்வில் ஈடுபடும் தொழிலாளர்களில் பலர் கூலிக்கு வேலைசெய்வது கிடையாது. மாறாக இரத்தினக்கற்களால் கிடைக்கும் வருமானத்தில் ஒரு பகுதி இவர்களுக்குப் பகிர்ந்து அளிக்கப்படுகிறது.

இவ்வாறு நிலத்தில் இருந்து வெட்டி/ தோண்டி எடுக்கப்பட்ட இரத்தினக்கற்கள் செதுக்கி அழுத்தம் செய்யப்பட்டு முறையான வடிவம் கொடுக்கப்பட்ட பின்பே உபயோகிக்க அல்லது ஏற்றுமதி செய்ய ஏற்றனவாகின்றன. செதுக்கி அழுத்தம் செய்தலைப் ‘பட்டை தீட்டுதல்’ என்பர்.  பட்டை தீட்டுதலில் இன்றளவிலும் பழைமையான முறைகளே கையாளப்பட்டு வருகின்றன. இரத்தினக் கற்களை அகழ்தல், பட்டை தீட்டுதல், மினுக்குதல், வர்த்தகம் செய்தல் ஆகியவற்றிற்கு இலங்கையின் அரச இரத்தினக்கற் கூட்டுத்தாபனம் பொறுப்பாக இருந்து வருகின்ற அதே வேளை இரத்தினக்கல் அகழ்வினை ஊக்குவிக்கும் பொருட்டு பட்டை தீட்டும் பயிற்சி நெறிகள் இரத்தினபுரியிலும் அகலிய கொடையிலும் இக்கூட்டுத்தாபனத்தினால் வழங்கப்பட்டு வருகின்றமை குறிப்பிடத்தக்கது. இலங்கையில் கொள்வனவு செய்யப்பட்ட இரத்தினக்கற்கள் ஆகாய மார்க்கத்திலோ அல்லது உரிமையாளரினால் சுமந்துகொண்டே அவற்றினை ஏற்றுமதிசெய்ய முடியும்.

இன்றுவரை சுமார் 200 தாதுக்கள் இரத்தினக்கல் வகைகளை சேர்ந்தனவாக  வகைப்படுத்தப்பட்டுள்ளன, இவ் வகைப்பாடானது கற்களின் அழகு, ஆயுள், அரிதான தன்மை முதனமையாக கொண்டு மேற்கொள்ளப்படும்.  இந்த ரத்தினங்களில், சுமார் 75 வகைகள் இலங்கையின் இரத்தினக்கல் சுரங்கங்களில் கண்டெடுக்கப்பட்டுள்ளன. இரத்தினக்கற்களுக்கும் ஏனைய விலையுயர்ந்த கற்களுக்கும் இடையே பல தரப்பட்ட வேறுபாடுகள் உள்ளன. இரத்தினக்கல் நன்கு உறுதியான கல்லாகும் ( வைரமானது). இது துலக்கமானதும் பிரகாசம் பொருந்தியதுமானதாக புலப்படும். இரத்தினக் கற்களைச் செதுக்கி அழுத்தம் செய்யப்படுவதற்கு முன்னர் வெறுமனே அவை சாதாரண கற்களைப் போலவே தோற்றம் அளிக்கும். இரத்தினக்கற்கள் மழையினாலும் வெய்யிலினாலும் அல்லது ஏனைய இயற்கை காரணிகளாலும் பாதிப்புறுவன அல்ல. அதன் காரணமாகவே இவை பல்லாயிரக்கணக்கான ஆண்டுகளாக ஆற்றுப்படுக்கைகளில் சேதமுறாது கிடைக்கின்றன.

இலங்கையில் இன்று காணப்படும் இரத்தினக்கற்களில் சபைர் என்ற நீலக்கல், ரூபி என்ற சிவப்புக்கல் என்பனவற்றைக் முக்கியமானதாகவும் அதிகம் அகழப்படும் கற்களாகவும் குறிப்பிடலாம். வைடூரியம் என்ற இரத்தினக்கல் றக்குவாணைப் பகுதியில் அகழப்படுகின்றது. புஷ்பராகம், தொறாம்த என்ற வெண்ணீலக் கற்களும் இப்பகுதியில் காணப்படுகின்றன. அத்துடன் பதுமராகம், துதிமல், செவ்வந்திக் கல் எனும் இரத்தினக்கற்களும் உள்ளன.

இலங்கையில் இரத்தினக்கல் அகழ்வுத்தொழில் எவ்வளவு முக்கியத்துவம் வாய்ந்ததோ அவ்வளவிற்கு இரத்தினக்கல் மெருகேற்றும் லேபிடரி தொழிலும் முக்கியத்துவம் வாய்ந்தது. 1970 களின் முற்பகுதி வரை, ஹனபோருவா என்ற பாரம்பரிய இயந்திரத்தைப் பயன்படுத்தியே இரத்தினங்களை வெட்டுவதும் மெருகூட்டுவதும் செய்யப்பட்டது. வெட்டப்பட்ட மற்றும் மெருகூட்டப்பட்ட கற்கள் மட்டுமே ஏற்றுமதி செய்ய அனுமதிக்கபடுகின்றமை குறிப்பிடத்தக்கது. இரத்தினக்கல் வெட்டும் இயந்திரங்கள் தற்காலத்தில்  நவீன இயந்திரங்களாக பெரிதும் மேம்பட்டுள்ளன. கற்களை அளவிடுதல், அறுத்தல் மற்றும் மெருகேற்றும் தொழில்முறைக்காக பல துணை இயந்திரங்கள் இப்போது பயன்படுத்தப்படுகின்றன.

2016ஆம் ஆண்டளவில் உலகிலேயே மிகப் பெரிய புளு ஸ்டார் சஃபையர் எனக் குறிப்பிடப்படும் நட்சத்திர நீலக்கல் ஒன்று இலங்கையில் அகழ்ந்தெடுக்கப்பட்டுள்ளது. இலங்கையில் கண்டுபிடிக்கப்பட்ட நட்சத்திர நீலக் கற்களில் இதுவே மிகப் பெரியது என இலங்கையில் உள்ள இரத்தினயியல் வல்லுனர்கள் தெரிவிக்கின்றனர். அதியுயர் பெறுமதியிலான இவ் நட்சத்திர நீலக்கல் 1404.49 காரட்டுகள் எடை கொண்டது என கொழும்பிலுள்ள இரத்தினக்கற்கள் பற்றி ஆய்வு மற்றும் தரநிர்ணயம் செய்யும் மையம் ஒன்று உறுதிப்படுத்தியுள்ளமை குறிப்பிடத்தக்கது

அத்துடன் அண்மைக்காலத்தில் இரத்தினபுரியில் இரத்தினகல் வியாபாரி ஒருவரின் வீட்டு தோட்டத்தில் கிணறு வெட்டும்போது, உலகின் மிக பெரிய நீலக்கல்லாக கருதப்படும் ஒரு இரத்தினக்கல் கண்டுபிடிக்கப்பட்டுள்ளது. இதன் எடை 510 கிலோ எனவும்  ரத்தினங்களை அளவிடும் முறையில் கருதினால் சுமார் 25 லட்சம் காரட் வரை பெறுமதியுடையது என கருதப்படுகின்றது. வெளிர் ஊதா நிறத்தில் உள்ள இந்தக் கல்லின் மதிப்பு சர்வதேச சந்தையில் 100 மில்லியன் அமெரிக்க டொலர்கள் வரை இருக்கலாம் என மதிப்பிடப்பட்டுள்ளது.

வரலாற்றளவில் இலங்கையின் இரத்தினக்கலுக்கான முக்கியத்துவத்தை எடுத்து நோக்கினால், மறைந்த முன்னாள் பிரித்தானிய இளவரசி டயானாவுக்கு இளவரசர் சார்ல்ஸினால் அணிவிக்கப்பட்ட நிச்சயதார்த்த மோதிரம் இலங்கையின் பிரபலம் வாய்ந்த Ceylon Blue Sapphire  என அழைக்கப்படும் நீலக்கல் பொறிக்கப்பட்ட மோதிரமேயாகும். இலங்கையின் இரத்தினக் கற்களை வாங்குவதில் ஜப்பான், ஹொங்கொங், சுவிற்சலாந்து, சீனா போன்ற  நாடுகள் முன்னிலை ஆர்வம் காட்டுகின்ற அதேவேளே குவைத், டுபாய், சவுதிஅரேபியா, ஐக்கிய அமெரிக்கா, சிங்கப்பூர் என்பனவும் இலங்கையின் இரத்தினக் கற்களை விலைகொடுத்து வாங்குவதற்கு ஆர்வம் காட்டுகின்றமை அறியக்கூடியதாக உள்ளது. அத்துடன் கிரேட் பிரிட்டனின் ராயல் மியூசியத்தில் விலைமதிப்பற்ற கண்காட்சிகளில் இலங்கையின் இரத்தினக் கற்கள் இடம் பெற்றமை குறிப்பிடத்தக்கது.

அண்மைக்காலங்களில் இரத்தினக்கல் எதுவுமே கிடைக்காத நாடான ஹொங்கொங் நகரம் உலகத்தின் பிரதான இரத்தினக்கல் வியாபார மத்திய நிலையமாக உருவாகி உள்ளது. இதற்குக் காரணம் ஆபிரிக்காவில் கிடைக்கும் இரத்தினக்கற்களே ஆகும். இவ்வாறு இருக்க எமது நாட்டிலேயே இரத்தினக்கல் அகழ்விற்கான. வளங்கள் இயற்கையாகவே கிடைக்கின்ற போது நாட்டின் மொத்த தேசிய வருமானத்தினை முறையான அணுகுமுறைகள் மூலம் மேம்படுத்த இயலும் என்பது தெளிவாகுகின்றது.

இரத்தினபுரி மாவட்டத்தில் இரத்தனக்கல் பரவலாக உள்ள பிரதேசங்களில் அனுமதி இன்றி இரத்தினக்கல் அகழ்வு நடவடிக்கைகள் பாரியளவில் இடம்பெற்று வருகின்றமை கண்டிக்கத்தக்கது. இயந்திரங்களை பயன்படுத்தி சுற்றாடலைப் பாதிக்கும் வகையில் இடம்பெற்று வருகின்ற இரத்தினக்கல் அகழ்வுகள் ஆபத்துக்குரியதென்பதை அகழ்வில் ஈடுபடுபவர்கள் உணரவேண்டியமை இன்றியமையாதது. பாராட்டத்தக்க விடயம் யாதெனில் பல நூற்றாண்டுகளாக, இலங்கையில் மிகக் குறைவான  இரத்தினக்கல் சுரங்க விபத்துக்களுக்கு பாரம்பரிய சுரங்க முறைகளே காரணமாகும். இலங்கையில் பொதுவாக பயன்படுத்தப்படும் இரத்தின சுரங்க முறை குழி தலை சுரங்க முறை,ப்ரஷ் பிளே பிளேஸர் சுரங்க முறை மற்றும் நதி தோண்டல் முறை ஆகியன இலங்கையில் பொதுவாக பயன்படுத்தப்படும் முறைகளாக அறியப்பட்டுள்ளது.

ஆயினும் கடந்த ஆண்டுகளில் கொரோனா பெருந்தொற்று காரணமாக இரத்தினக்கல் அகழ்வு தொழிற்துறை கடுமையாக பாதிக்கப்பட்டிருக்கின்றமை கவலைக்குரியது. ஆயினும் அண்மைக் கால தகவலின் படி பயணத்தடை காலத்தில் பெண்களும் இரத்தினக்கல் அகழ்வு பணிகளில் ஈடுபடுகின்றனர் என்பது குறிப்பிடத்தக்கது. இரத்தினக்கற்கள் அகழ்வுத்தொழிற்றுறையில் மிக சிறந்த வரலாற்று அம்சங்களையும் இயற்கை வளங்களையும் ஒருங்கே கொண்ட இலங்கையானது இரத்தினக்கல் அகழ்வுத் தொழிலில் ஈடுபடும் அடிமட்ட தொழிலாளர்களுக்கு சரியான ஊதியங்களும் தொழில் பாதுகாப்பினையும் உறுதிசெய்தல் அவசியமானது. பெரும்பாலான ஊழியர்கள் மிகச்சிறிய ஒரு தொகையே நாள் கூலியாக பெறுகின்றனர் என்பது அனைவரும் கவனத்திற்கொள்ள வேண்டிய விடயமாகும்.

இரத்தினக்கல் அகழ்வு மற்றும் வர்த்தக முறைகளுக்காக  சுமார் 20,000 இரத்தினக்கல் தொழிலாளர்கள் பணிபுரிவதாக மதிப்பிடப்பட்டுள்ளது, இதில் சுமார் 5000 பேர் வைரம் வெட்டும் தொழிற்சாலைகளில் பணியாற்றுகின்றனர். இவ்வாறு பணியாற்றும் தொழிலாளர்களுக்கான உரிய சலுகைகள் கிடைப்பதை அரசு உறுதி செய்தல் அவசியம். அதே வேளை அபிவிருத்தி அடைந்து வரும் நாடான இலங்கையின் வளர்ச்சிக்கு இரத்தினக்கல் வர்க்கம் முக்கிய பங்கு வகிக்கின்றது என்பதின் நிச்சயத்தன்மை மற்றும் மேம்பாடு தொடர்பில் அக்கறை செலுத்துவது ம் இன்றியமையாதது.

அதிகரிக்கும் சனத்தொகைக்கு தகுந்த வேலைவாய்ப்பு இன்மை அனைத்து நாடுகளிலும் நிலவும் பாரிய பிரச்சினையாக இருக்கும். அதேவேளை உள்நாட்டு வருமானங்கள் தாழ் நிலையில் இருப்பதால், இலங்கை முதலிய மனிதவளம் நிறைந்த நாடுகளில் வெளிநாடுகளுக்கு வேலை நிமித்தம் செல்வோரின் எண்ணிக்கை மிகவும் அதிகமாக காணப்படுகிறது. அத்துடன் இலங்கையின் பொருளாதாரத்தில் பெரும் பங்கானது வெளிநாடுகளில் உழைக்கும் இலங்கையர்களின் மூலம் ஈட்டப்படுவது என்பது மறுக்க முடியாத உண்மையாகும். இலங்கையின் மொத்த தேசிய வருமானத்தில், வெளிநாட்டு வருவாயின் மூலம் 54% கிடைக்கப்பெறுகிறது என இலங்கையின் வெளிநாட்டு பணியக தூதரக அறிக்கைகள் குறிப்பிடுகின்றன. குறிப்பாக 2016 ஆம் ஆண்டு மட்டுமே,  வருமானம் சுமார் 566,260 மில்லியன் இலங்கை ரூபாய் என்பது அதிர்ச்சியூட்டும் தகவல். இன்று பல்வேறு பிரச்சினைகளுக்கு மத்தியிலும் ஆண்களும் பெண்களும் வெளிநாட்டு வேலைவாய்ப்புக்குச் செல்வதற்கு பொருளாதாரமே பிரதான காரணமாகும்.

வெளிநாட்டு வேலைவாய்ப்புகள் என்பது ஒரு சிலருக்கு பிழைப்பு தொடர்பானது. இன்னொருவருக்கு பெருமையும் கனவும் தொடர்பானது. படித்து முடித்ததும் தம் கல்விக்கு தகுந்த வெளிநாட்டு வேலை வாய்ப்புக்காக செல்வோர் பலர். அதே நேரம் நல்ல வாய்ப்புகளினாலும் உயர் ஊதியத்தினாலும்  இங்கே இருக்கும் பணியை நீங்கி செல்வோருமுண்டு. அத்தோடு திருமண உறவுகளின் மூலம் வெளிநாட்டு வேலைவாய்ப்புக்களை பெறுவோரும் உண்டு ஆனாலும் இவற்றில் ஏதுமில்லாமல் வறுமையும் தாழ் வருமானமும் கொண்ட பெண்ணிற்கு, வெளிநாட்டில் வேலைவாய்ப்பு எனும் சந்தர்ப்பம் அமையும் போது குடும்பத்தினை நீங்கி வெளிநாட்டு பணிக்காக தொலைதூரம் செல்கின்றனர்.

விரும்பியோ விரும்பாமலோ கீழைத்தேயத்தை சேர்ந்த பெரும்பாலான பெண்களால் இவை ஏற்றுக்கொள்ளப்படுகிறது. ஒவ்வொரு ஆண்டும் பணிக்காக வெளிநாடு செல்லும் பெண்களது தொகை சுமார் அண்ணளவாக 2 இலட்சம் பேர் என இலங்கை புள்ளி விபரவியல் அறிக்கையில் குறிப்பிடப்பட்டுள்ளது. அதிலும் பெரும்பாலான பெண்கள் முறையாக தேர்ச்சியற்ற வீட்டு பணியாளர்களாக செல்லும் பெண்களாகவே இருக்கின்றனர்.

திருமணமான பெண்கள் முதற்கொண்டு திருமணமாகாத இளவயதிலிருப்போர் வரை பல்வேறு நிர்ப்பந்தங்கள் காரணமாக இந்நிலைக்கு தள்ளப்படுகின்றனர். குடும்பத்தை விட்டு செல்லுதல் என்பது மிகக் கடினமான முடிவு மட்டுமல்லாமல் உணர்ச்சி பூர்வமானதாகவும், பல்வேறு சவால்களை ஏற்றுக்கொள்வதாகவும், அடிமைத்தளைகளை விலக்கிவிட முடியாத சூழலாகவும் இருக்கிறது. இந்நிலையில் பெண்கள் எதிர்கொள்ளும் சவால்களும் சிக்கல்களும் ஏராளம். குறித்த பெண் வேலைக்காக செல்லுமிடத்தில் எதிர்கொள்ள வேண்டி இருக்கும் பிரச்சனைகள் ஒருபுறம், பணி நிமித்தம் பிற நாடுகளிற்கு தனியே புறப்படும் பெண் குறித்த சமுதாய கண்ணோட்ட பிரச்சினைகள் ஒருபுறம், இவற்றையும் தாண்டி குடும்ப தலைவியான பெண் குடும்பத்தை நீங்கி செல்லும் போது அவருடைய பிள்ளைகள் குடும்ப உறுப்பினர்கள் எதிர்கொள்ளும் பிரச்சினைகள் ஒருபுறம் என பல்வேறு கோணங்களில் இவற்றை அணுக இயலும். இலங்கைக்கான வெளிநாட்டு வேலைவாய்ப்பு பணியகத்தின் கூற்றுப்படி இலங்கையின் வடபகுதியிலிருந்து ஆயிரத்துக்கும் மேற்பட்ட பெண்களில் பலரும் குடும்பத்தலைவர்களாகக் கொண்ட குடும்பங்களைச் சேர்ந்தவர்களே.

இதிலும் குறிப்பாக வீட்டுப் பணி தொடர்பில் அமர்த்தப்படும் பெண்கள் மீதான உரிமை மீறல்கள் ஏராளம். வீ‌ட்டு வேலை‌க்காக செ‌ல்லு‌ம் பெ‌ண்களிற்கு இ‌த்தனை ம‌ணி நேர‌ம்தா‌ன் வேலை எ‌ன்‌றி‌ல்லாம‌ல் நா‌ள் முழுவது‌ம் வேலை அ‌ளி‌க்க‌ப்படு‌கிறது. ‌இதில் கவனிக்கப்பட வேண்டிய விடயங்கள் என்னவென்றால் அவர்களிற்கு போ‌திய உணவும் அ‌ளி‌க்க‌ப்படாம‌ல், நிச்சயிக்கப்பட்ட சம்பளமும் அ‌ளி‌க்காம‌ல் பணிச்சுமைகளை திணிப்பதே.

வேலைத்தள சலுகை புறக்கணிப்புக்கள், சம்பள உரிமை மீறல்கள் முதலியவை மட்டும் அல்லாமல் அடித்தல், உதைத்தல், காயங்களை ஏற்படுத்தல், சூடு வைத்தல் முதலான உடல் சார்ந்த துன்புறுத்தல்களோடு திட்டுதல், தகாத வார்த்தைகளை பயன்படுத்தல், முதலான உள வன்முறைகளும் இடம்பெறுகின்றன. இவற்றிலும் மேலாக பாலியல் ரீதியான துஷ்பிரயோகங்கள், பாலியல் உறவுக்காக வற்புறுத்தப்படல் போன்றவற்றையும் பெரும்பாலான எதிர்கொள்ள வேண்டியுள்ளது. வெளிநாட்டில் குறிப்பாக மத்திய கிழக்கு நாடுகளில் வீட்டு வேலை செய்யும் இலங்கை பெண்களில் ஏறத்தாழ 1,650 பெண்கள் உடல் ரீதியாகவும் பாலியல் ரீயதாகவும் முதலாளிகள் தங்களிடம் தவறாக நடந்து கொள்கிறார்கள் என்று புகார் அளித்துள்ளதாக வெளிநாட்டு வேலைவாய்ப்புப் பணியகத்திலிருந்து சமீபத்திய ஆய்வுத் தரவு காட்டுகின்றமை குறிப்பிடத்தக்கது.

இவை மட்டும் அல்லாமல் நிச்சயிக்கப்படும் சம்பளங்கள் பெரிதும் வழங்கப்படுவதில்லை, போதியளவு உணவு மற்றும் ஆரோக்கியமும் சந்தேகத்திற்கிடமான நிலையில் அதிகமான பெண்கள் பணிக்காக நியமிக்கப்படும் வீட்டினை தாண்டி பிற இடங்களிற்கு செல்லுவதை முதலாளிகள் மறுக்கின்றனர். அத்துடன் அவர்களை தனி அறையில் பூட்டி வைத்து தொடர்ச்சியான துன்புறுத்தப்படுகின்றனர்.

வீ‌‌ட்டுப் பணிக்கு‌ச் சே‌ர்‌ந்தது‌ம், த‌ங்களது கடவுச்சிட்டை ஒ‌ப்படை‌த்து‌விட வே‌ண்டு‌ம் எ‌ன்பது பெரும்பாலான இடங்களில் மு‌க்‌கிய ‌நிப‌ந்தனையாக உ‌ள்ளது. இத்தருணங்களில் தமக்கான வன்முறைகள் தொடர்பிலான முறைப்பாடுகள் செய்வதற்கு கூட பல பெண்கள் முன்வர தயங்குகின்றனர். இவ்வாறான உரிமை மீறல்களின் பின் இப் ‌பிர‌ச்‌சினையை‌க் கரு‌த்‌தி‌ல் கொ‌ண்டு ப‌ங்களாதேஷ், பா‌கி‌ஸ்தா‌ன் போ‌ன்ற நாடுக‌ள், த‌ங்க‌ள் நா‌ட்டு‌ப் பெ‌ண்கள வெ‌ளிநாடுகளு‌க்கு ‌வீ‌ட்டு வேலை செ‌ய்ய‌ப் போவதை தடை செ‌ய்து‌ள்ளது. இவை தவிர அண்மைக்காலங்களில் வெளிநாடுகளில் இறக்கும் இலங்கை தொழிலாளர்களது எண்ணிக்கை அதிகரித்து வருகிறது. அண்ணளவாக ஆண்டொள்றிற்கு 200 தொடக்கம் 300 மரணங்கள் இவ்வாறு நிகழ்கின்றன.

ஜோ‌ர்டா‌ன், குவை‌த், லெபனா‌ன் சவூதி அரேபியா, கட்டார், பஹ்ரைன், ஓமான் போன்ற மத்தியக் கிழக்கு நாடுகளில் ஆசிய, ஆப்ரிக்க நாடுகளைச் சேர்ந்த வீட்டுப் பணிப்பெண்கள் மிக மோசமாக நடத்தப்படுகின்றனர் என்ற செய்தி பொதுவாகவே தெரிவிக்கப்பட்டு வருவதாகும்போ‌ன்ற நாடுக‌ளிலு‌‌ம் பெ‌ண்க‌ளு‌க்கு இழை‌க்க‌ப்படு‌ம் கொடுமைக‌ள் அ‌திக‌ம் எ‌ன்ற போ‌திலு‌ம் சவு‌தி அரே‌பியாதா‌ன் இ‌தி‌ல் முத‌லிட‌த்‌தி‌ல் உ‌ள்ளது. இவை மட்டும் அல்லாமல் 2013 ஆம் ஆண்டில், சவுதி அரேபியாவில், இலங்கையை சேர்ந்த ஒரு இளம் வீட்டுப் பணிப்பெண்ணின் மரண தண்டனையை இரத்து செய்யக்கோரி இலங்கையின் தொடர்ச்சியான முறையீடுகளையும் புறக்கணித்ததோடு, அவரது பராமரிப்பில் இருந்த குழந்தை இறந்தமை குறித்த பெண்ணுடைய குற்றம் எனக்கூறி தலையை வெட்டி மரண தண்டனை அளிக்கப்பட்டது.

அது மட்டும் அல்லாது 2010 ஆம் ஆண்டில், இலங்கையை சேர்ந்த பெண் பணிப்பெண் ஒருவரால், ஒப்பந்தத்தில் குறிப்பிடப்பட்ட வேலைகளிற்கு அதிகமாக பணிச்சுமை நிர்பந்திக்கப்படுவதாக முறைப்பாடு அளித்த பின், தொடர்புடைய சவுதி தம்பதியினர் அந்தப் பணிப்பெண்ணின் கைகள், கால்கள் மற்றும் நெற்றியில் 24 ஆணிகளைச் சம்மட்டியால் அடித்துச் சித்திரவதை செய்தனர். அதன் பின்னரே அந்தப் பணிப்பெண் வீடு திரும்பினார். அத்துடன் விபச்சார நடவடிக்கையில் ஈடுபட்டார் என கூறி ஒரு இலங்கை பணிப்பெண்ணிற்கு மரண தண்டனை உறுதிசெய்யப்பட்டு, பின் பல முறையீடுகழின் விளைவாக மூன்று ஆண்டு சிறைத் தண்டனையாக மாற்றப்பட்டது.

இலங்கையை சேர்ந்த பெண்கள் என்றல்லாமல் பல்வேறுபட்ட நாட்டு பெண்களும் பலதரப்பட்ட வகைகளில் வளைகுடா நாடுகளில் மட்டும் அல்லாமல் பிற நாடுகளிலும்அநீதிகளை எதிர்கொண்ட வண்ணமே உள்ளனர். உதாரணமாக அண்மையில் சிங்கப்பூரில் இடம்பெற்ற கொலைச் சம்பவத்தை எடுத்துக்கொண்டால்,  24 வயதுடைய மியான்மாரை சேர்ந்த பெண்(பியாங்),  வீட்டு உரிமையாளர்களால் தொடர்ச்சியாக சித்ரவதைக்கு உள்ளாகி கொல்லப்பட்டுள்ளார். பணி நாட்களில் கைபேசி பயன்படுத்தவோ விடுப்பு எடுக்கவோ அனுமதி வழங்கப்படவில்லை. அத்துடன் சரியாக வேலை செய்வதில்லை, சுத்தமாக இல்லை, அதிகமாக சாப்பிடுகிறார், மெதுவாக வேலை செய்கிறார் என பல குற்றச்சாட்டுக்கள் வைக்கப்பட்டதுடன் பழுதடைந்து வீசப்படும் உணவுகளை கூட அவர் உண்பதற்கு மறுக்கப்பட்டது. உடல் ரீதியான துன்புறுத்தல்களின் உச்சக்கட்டமாக 31 காயங்களும் உடலின் மேல்பரப்பில் 47 காயங்களும் ஏற்படுத்தப்பட்டு கொலை செய்யப்பட்டார்.

இவ்வாறான தொடர்ச்சியான சம்பவங்களின் பின்னராக கு‌றி‌ப்பாக சவு‌தி அரே‌பியா‌வி‌ற்கு ‌வீ‌ட்டு வேலை‌க்கு‌ச் செ‌ல்வதை நாடாதீர்கள் எ‌ன இ‌ந்‌தியா, இல‌ங்கை, நேபளா அரசுக‌ள் த‌ங்க‌ளது நா‌ட்டு ம‌க்களு‌க்கு அ‌றிவுறு‌த்‌தியு‌ள்ளன.  அத்துடன் குறித்த பணியாளர்கள்‌ பயணக் கடவுச்சிட்டை  த‌ங்க‌ள் வசமே வை‌த்துக் கொ‌ள்ளவு‌ம், ‌விரும்புகின்ற நேர‌த்‌தி‌ல் நா‌ட்டை ‌வி‌ட்டு சொந்த நாடு திரு‌ம்ப உ‌ரிமை அ‌ளி‌க்கு‌ம் வகை‌யி‌ல் ஐக்கிய அரபு நாடுகள் ச‌ட்ட ‌திரு‌‌த்த‌ம் கொ‌ண்டு வரவு‌ம் ம‌னித உ‌ரிமை அமை‌ப்புகளு‌ம் வ‌லியுறு‌த்‌தி வரு‌கி‌ன்றமை குறிப்பிடத்தக்கது. வெ‌ளிநாடுகளு‌க்கு‌ச் செ‌ல்லு‌ம் பெ‌ண்க‌ளி‌ன் பாதுகா‌ப்பை உறு‌தி செ‌ய்வது ஒ‌வ்வொரு நா‌ட்டி‌ன் கடமையா‌கிறது. மேலு‌ம், வெ‌ளிநாடுக‌ளி‌ல் இரு‌ந்து த‌ங்க‌ள் நா‌ட்டு‌க்கு வரு‌ம் பாதிக்கப்பட்ட பெ‌ண்க‌ளை பாதுகா‌க்க கடுமையான ச‌ட்ட‌ங்களை‌க் கொ‌ண்டு வர வே‌ண்டியது‌ம் அவ‌சிய‌ம் ஆகும்.

இவை மட்டும் அல்லாமல் இவ்வாறு பணி நிமித்தம் வெளியே செல்லும் பெண்கள் பெரிதும் மனரீதியான பாதிப்புக்களிற்குள் உட்படுகின்றனர். தனிப்பட்ட ரீதியில் பிறழ்வான விளைவுகளை எதிர்கொள்ளுவதோடு மட்டும் அல்லாமல் நாடு திரும்பும் பெண்கள் சமூகத்தில் எதிர்கொள்ளும் இடர்பாடுகளும் பல. குறித்த பெண்கள் குறித்த கண்ணோட்டங்கள், நடத்தை சார்ந்த எதிர்மறையான விமர்சனங்கள் முன்வைக்கப்படுகின்ற சந்தர்பங்கள் அவர்களுடைய உளவியலை மேலும் தாக்குகின்றது. அத்துடன் குடும்பங்களை நீங்கி வெளிநாடு செல்லும் பெண்தலைமைத்துவ குடும்பங்களை சேர்ந்த ஏனைய பெண்கள் பல்வேறான சுரண்டல்களிற்கும் உள்ளாகுகின்றனர். குறிப்பாக பராயமடையாத பெண்/ஆண் சிறுவர்களே அதிகமாக பாதிக்கப்படுகின்றார்கள்.

வேலைவாய்ப்பு பெற்றுச் செல்பவர்கள் அந்நாடுகளில் தவறிழைத்தால் அவர்களுக்குக்காக குரல்கொடுக்க வேலை வாய்ப்பு முகவர்கள் பின்னிக்கின்றனர். முறையாக பணியகங்களில் பதிவு செய்யாது பணி நிமித்தம் பயணங்களை மேற்கொள்ளும் சந்தர்ப்பத்திலேயே பல்வேறான அவல நிலை உருவாகுகின்றது. இதில் குறிப்பிடத்தக்க விடயம் என்னவென்றால் அண்மைக்காலங்களில் தொடர்ச்சியான வன்முறை சம்பவங்களின் எதிரொலி காரணமாக வெளிநாட்டு பணிப்பெண்களாக செல்லும் பெண்களது தொகை சடுதியாக குறைந்துள்ளது. ஆயினும் பணிப் பெண் அல்லாத பயிற்றப்பட்ட வேறு தொழில்களுக்காக வெளிநாடுகளுக்கு செல்கின்ற பெண்களது தொகையில் அவ்வளவாக வீழ்ச்சிகள் ஏற்படவில்லை என தரவறிக்கைகள் குறிப்பிடுகின்றன.

இவ்வாறான இன்னல்கள் மேலும் தொடராமலிருக்க அரச சட்டதிட்டங்களினால் மட்டுமே சாத்தியமற்றது. ஆக பணி நிமித்தம் வெளியே செல்லும் பெண்கள் அவர்களுடைய பாதுகாப்பு மற்றும் இதர அம்சங்களையும் உறுதி செய்தல் அவசியம். முதலாவதாக அரசு அங்கீகாரம் பெற்ற அயல்நாட்டு வேலை வாய்ப்பை உருவாக்கித் தரும் முகவர்களை மட்டுமே அணுகவேண்டும். அத்துடன் நாடுகின்ற முகவர்களுடைய இலங்கை வெளிநாட்டு வேலை வாய்ப்பு பணியகத்தின் (Srilanka Bureau of foreign employment) அங்கீகாரச் சான்றிதழ் மற்றும் அனுமதிப்பத்திர இலக்கங்களோடு குறித்த முகவர் தொடர்பான பெயர், முகவரி, தொடர்பிலக்கம், அனுபவம் போன்றவற்றை உறுதிசெய்தல் நன்று.ஒருவர் வெளிநாட்டில் தொழில்புரிய செல்லும் முன்னர் அந்த தொழிற்துறை பற்றி ஆழமாக அறிந்திருத்தல் அவசியமாகும். முகவர்களோடு பணம் கொடுக்கல் வாங்கல் செய்கின்ற போது சட்ட ரீதியாக மேற்கொள்வது அவசியம்.

எந்தவித வேலையும் இல்லாமல், வாழ்க்கை நடத்துவதற்காக சம்பாதிப்பதற்கான மிகக் குறைவான வாய்ப்புகளே இலங்கையில் உள்ள நிலையிலேயே தான் பெண்கள் பிற நாடுகளினை நாடுகின்றனர். ஆக உள்நாட்டிலேயே அவர்களுக்கான வேலைவாய்ப்பு மற்றும் போதிய ஊதியம் போன்றன ஊக்குவிக்கப்படுதல் நன்று. சமூக வலுவூட்டும் செயற்பாடுகள், பெண்களுடைய சுய பொருளாதார முயற்சி, போதிய கல்வியறிவை பெற்றுக்கொள்ளல் போன்றவற்றில் பெண்கள் முன்வருதல் இன்றியமையாததே. இலங்கை மட்டும் அல்லாமல் உலகின் எந்தவொரு பெண்ணும் தனக்கான உரிமைகளை பெறுவதோடு தனக்கான வாழ்வியல் பாதைகளை அமைத்துக் கொள்ளவும் தற்துணிவை வளர்த்துக்கொள்ளுதல் அவசியமானதாகும்.

முக முடி பிரச்சினை சில பெண்களுக்கு சங்கடத்தை ஏற்படுத்தும். எனவே, செலவழிக்காமல் சுலபமாக செய்யக்கூடிய வீட்டு வைத்தியங்களைப் பயன்படுத்துவதன் மூலம் பெண்கள் இந்தப் பிரச்சினையிலிருந்து வெளியேற உதவ ஒரு கட்டுரையை நாங்கள் கொண்டு வந்துள்ளோம்.

புள்ளிவிவரங்களின்படி, ஹிர்சுட்டிசம் – அசாதாரண பகுதிகளில் அதிகப்படியான கூந்தல் என்றும் அழைக்கப்படுகிறது – இது எல்லா வயதினரிலும் 5-10% பெண்களை பாதிக்கிறது. இருப்பினும், நாம் எவ்வளவு ஆரோக்கியமாக இருந்தாலும், நாம் அனைவரும் அழகாக தோற்றமளிக்க அவ்வப்போது நம் முகத்தில் சாமணம் பயன்படுத்த வேண்டும். முக முடி அகற்றுவதற்கான இத்தகைய வலிமிகுந்த முறைகளைப் பயன்படுத்துவது எப்போதும் தேவையில்லை என்பதை நாங்கள் கண்டறிந்துள்ளோம் – குறிப்பாக உங்கள் சமையலறையில் மற்ற குறைவான வலி முறைகளைக் காணும்போது!

1.சர்க்கரை மற்றும் எலுமிச்சை சாறு

நீங்கள் செய்ய வேண்டியது 8-9 தேக்கரண்டி தண்ணீருடன் இரண்டு தேக்கரண்டி சர்க்கரை மற்றும் எலுமிச்சை சாறு கலக்க வேண்டும். குமிழ்கள் தோன்ற ஆரம்பிக்கும் வரை இந்த கலவையை சூடாக்கவும், பின்னர் அதை குளிர்விக்கட்டும்.
ஒரு ஸ்பேட்டூலாவைப் பயன்படுத்தி பாதிக்கப்பட்ட பகுதிகளில் தடவி சுமார் 20-25 நிமிடங்கள் வைக்கவும். வட்ட இயக்கத்தில் தேய்த்து, குளிர்ந்த நீரில் கழுவ வேண்டும்.
இது எவ்வாறு இயங்குகிறது என்று யோசிக்கிறீர்களா? சரி, சர்க்கரை ஒரு இயற்கையான எக்ஸ்ஃபோலைட்டிங் முகவர், மற்றும் சூடான சர்க்கரை உங்கள் தலைமுடிக்கு ஒட்டிக்கொண்டிருக்கும், தோல் அல்ல. எலுமிச்சை சாறு சரும முடிக்கு இயற்கையான (மற்றும் மலிவான) ப்ளீச்சாக செயல்படுகிறது, மேலும் சருமத்தின் தொனியை ஒளிரச் செய்ய உதவுகிறது.

2.கிராம் மாவு மற்றும் ரோஸ் வாட்டர்

கிராம் மாவு சிறந்த எக்ஸ்ஃபோலைட்டிங் பண்புகளைக் கொண்டுள்ளது மற்றும் ரோஸ் வாட்டரின் நன்மையுடன் இணைந்தால் இது முடி வளர்ச்சியைத் தடுக்கிறது. முக முடிகளை அகற்ற இந்த எளிய வழியை இங்கே செய்வது எப்படி என்பதை அறிக!

ஒரு பாத்திரத்தில் 2 தேக்கரண்டி கிராம் மாவு 2 தேக்கரண்டி ரோஸ் வாட்டர் மற்றும் 1 தேக்கரண்டி எலுமிச்சை சாறுடன் கலக்கவும். ஒரு பேஸ்ட்டை உருவாக்க நன்கு கலந்து உங்கள் முகத்தில் தடவவும், அதை முழுமையாக உலரவிட்டு, விரல்களால் தேய்த்து முக முடிகளை அகற்றவும். சிறந்த முடிவுகளுக்கு, இதை வாரத்திற்கு மூன்று முதல் நான்கு முறை செய்யவும்.

3. முட்டை மற்றும் சோள மாவு

இறந்த சரும செல்கள் மற்றும் முக முடிகளை அகற்ற முட்டை வெள்ளை ஒரு சிறந்த முகமூடியை உருவாக்குகிறது. இதில் சோள மாவுச் சேர்ப்பது முக முடிக்கு இந்த வீட்டு வைத்தியம் மிகவும் பயனுள்ளதாக இருக்கும்.

இந்த முகமூடியைத் தயாரிக்க, ஒரு முட்டையிலிருந்து வெள்ளை நிறத்தை அரை தேக்கரண்டி சோள மாவு மற்றும் ஒரு தேக்கரண்டி சர்க்கரையுடன் ஒரு பாத்திரத்தில் கலக்கவும். பேஸ்டின் சம அடுக்கை உங்கள் தோலில் தடவி அதை முழுமையாக உலர அனுமதிக்கவும். உலர்ந்ததும், முகமூடியின் ஒரு முனையை அவிழ்த்து, முக முடிகளை அகற்ற முடி வளர்ச்சியின் எதிர் திசையில் அதை உரிக்கவும்.

4. பப்பாளி மற்றும் மஞ்சள்

பப்பாளியில் பப்பேன் எனப்படும் என்சைம் உள்ளது, இது முக முடிகளை அகற்ற உதவும், மற்றும் மஞ்சள் சருமத்திற்கு ஆரோக்கியமான மற்றும் கதிரியக்க பளபளப்பை அளிக்கிறது, இதனால் முடி பளபளப்பை அதிகரிக்கும் இந்த வீட்டு வைத்தியம்.

பப்பாளி ஒரு துண்டு சிறிய துண்டுகளாக வெட்டி அவற்றை பிசைந்து பேஸ்ட் உருவாக்கவும், பின்னர் அதில் அரை டீஸ்பூன் மஞ்சள் சேர்க்கவும். நன்றாக கலந்து, உங்களுக்கு தேவையற்ற முடி வளர்ச்சி உள்ள பகுதிகளில் மட்டுமே பொருந்தும். சில நிமிடங்கள் மசாஜ் செய்து பின்னர் 15-20 நிமிடங்கள் இருக்கட்டும். மந்தமான தண்ணீரில் கழுவ வேண்டும். சிறந்த முடிவுகளுக்கு வாரத்திற்கு இரண்டு முறை செய்து வரலாம்.

5. முட்டை வெள்ளை மற்றும் கார்ன்ஸ்டார்ச்

முட்டை வெள்ளைடன் சோள மாவு மற்றும் சர்க்கரை ஒவ்வொன்றையும் ஒரு தேக்கரண்டி கலக்கவும். இந்த கலவையை நீங்கள் தேவையற்ற கூந்தல் உள்ள இடங்களில் தடவி உலர்ந்ததும் உரிக்கவும். மிகவும் எளிமையானது, இல்லையா?
முட்டையின் வெள்ளை ஒட்டும், மற்றும் சர்க்கரை மற்றும் சோள மாவுடன் இணைந்தால் தோலில் ஒரு மெல்லிய படம் உருவாகிறது. முட்டை வெள்ளை வைட்டமின் ஏ இருப்பதால் இது முகப்பரு பாதிப்புக்குள்ளான சருமத்திற்கு ஏற்றதல்ல, இது பிரேக்அவுட்டுகளுக்கு வழிவகுக்கும்.

*முக முடிகளை அகற்றுவது சரியா?
#உடலில் தேவையற்ற கூந்தல் வரும்போது, ​​அதை அகற்ற முயற்சித்தால் முடி அடர்த்தியாகிவிடும் என்று நிறைய பேர் நம்புகிறார்கள். அது உண்மையல்ல, உங்கள் உடலின் எந்தப் பகுதியிலும் தேவையற்ற முடியை அகற்றுவது முற்றிலும் நல்லது.

*பெண்கள் முகத்தை மொட்டையடிக்க முடியுமா?
#பெண்களின் முக தோல் ஆண்களை விட மிகவும் மென்மையானது. உங்கள் முக முடி வளர்ச்சி எவ்வளவு அடர்த்தியாக இருந்தாலும், ஷேவிங் செய்வது சருமத்தை எரிச்சலடையச் செய்து, சருமப் பிரச்சினைகளுக்கு நிறைய வழிவகுக்கும்.

*எலுமிச்சை சாறு மயிர்க்கால்களை வெளுக்கிறதா?
#முக முடிகளை அகற்ற எலுமிச்சை சாறு நிறைய வீட்டு வைத்தியங்களில் சேர்க்கப்படுவதற்கான காரணம், இது மயிர்க்கால்களை வெளுக்கும் திறன் கொண்டது, இதனால் உங்கள் சருமம் பிரகாசமாக இருக்கும்.

இன்றைய காலகட்டத்தில் தனிமனித வருமானம் குடும்ப வாழ்வாதாரம் போன்றன மாதாந்த பொருளாதாரத்தில் செல்வாக்கு செலுத்துவது மட்டும் அல்லாமல் ஒரு நாட்டின் மொத்த தேசிய வருமானத்திலும் பெருமளவு செல்வாக்குச் செலுத்துகின்றது. அவ்வகையில் நடுத்தர மற்றும் சுய தொழில் முயற்சிகள் இலங்கை பொருளாதாரத்தின் ஒட்டுமொத்த கொள்கை நோக்கங்களில் ஒரு முக்கியமான தந்திரோபாய அம்சமாக அடையாளங் காணப்பட்டிருக்கின்ற அதே வேளை இது பொருளாதார வளர்ச்சி, பிராந்திய அபிவிருத்தி, வேலைவாய்ப்பு உருவாக்கம் மற்றும் வறுமைக்கான வலுவூட்டல் தொடர்பிலான மாற்றத்துக்கான ஒரு உந்துசக்தியாகவும் இருக்கின்றது.

இவ்வாறான சுய தொழில் முயற்சிகள் துறையானது பின்தங்கிய கிராமங்களை விருத்தி செய்யக்கூடியளவிலான பங்களிப்பினை வழங்கக்கூடிய ஒரு முயற்சியாகவே கருதப்படுகின்றது . இச்சிறிய நடுத்தர தொழில்முயற்சிகள் முதலீடு செய்வதற்கும் , பின்தங்கிய மற்றும் விருத்தி அடைந்த நோக்கி பிரதேசங்களுக்கு இடையிலான இடைவெளியினைக் குறைப்பதற்கான தூண்டுதலாகவும் விளங்குகின்றமையால் இது நாட்டின் பொருளாதார மேம்பாட்டிற்கான ஒரு நல்ல அடித்தளமாகவும் விளங்குகின்றது. அந்த வகையில் உள்ளூர் வளங்களை பயன்படுத்துவதன் மூலம் மனிதனுடைய தேவையைகளை பூர்த்தி செய்வதற்கு மனித முயற்சியில் மேற்கொள்ளப்படும் பொருளாதார முயற்சி கைத்தொழில் என்று கூறலாம். முன்னைய காலத்தில் விவசாயத்தை மையமாக கொண்டு விளங்கிய பொருளாதாரம் இன்று சுய கைத்தொழில் முயற்சிகளுக்கு கூடிய முக்கியத்தினை கொடுக்கின்றன.
இன்றைய காலகட்டத்தில் இலங்கையில் முக்கியத்துவம் பெறுகின்ற உள்ளூர் கைத்தொழில்களாக தும்புக் கைத்தொழில், சீமெந்துக் கைத்தொழில், சீனிக் கைத்தொழில், ஆடைக் கைத்தொழில், இறப்பர் பிளாஸ்டிக் சார் கைத்தொழில், பாரம்பரிய கைப்பணி கைத்தொழில் என்பவற்றைக் குறிப்பிட முடியும். அதிலும் முக்கியமாக தும்புக் கைத்தொழில் செய்கையானது முக்கியமான ஒரு கைத்தொழிலாக காணப்படுகின்றமை குறிப்பிடத்தக்கது. ஆரம்ப காலத்தில் இருந்து உபகரணங்கள் இல்லாது கையினாலேயே தும்புசார் அனைத்து உற்பத்திகளையும் செய்து சந்தைப்படுத்தி வந்துள்ளனர். இப்போதும் இவ்வாறான பாரம்பரிய முறை நடைமுறையில் இருந்து வருகின்ற போதிலும் பெருமளவில் உபகரணங்களின் உதவியின் மூலம் தும்புக் கைத்தொழிலை மேற்கொள்ளுமளவிற்கு முன்னேற்றம் அடைந்துள்ளது.

தும்புக் கைத்தொழில் முயற்சிகளுக்கான முறையான பயிற்சி நிலையங்கள் மற்றும் முறையான பயிற்சி முறைகள் மிகவும் அரிதாகவே காணப்படுகின்றன. பெரும்பாலும் பரம்பரை பரம்பரையாக தொழில்சார் அனுபவங்களையும் யுக்திகளையும் தலைமுறைகளிற்கிடையில் கடத்துவதாகவே பரவலாக காணப்படுகிறது. எனினும் இன்றளவில் தும்பு கைத்தொழிலிற்கான கேள்வி அதிகரித்து வருகின்ற வகையில் பலர் இதில் நாட்டம் செலுத்த ஆரம்பித்துள்ளனர். அந்த வகையில் தும்புத் தொழில் என்பது தென்னந் தும்பை பிரதான மூலப் பொருளாகப் பயன்படுத்தி பல்வேறு யுக்திகளின் மூலம் ஆக்க பூர்வமானதாக மேற்கொள்ளப்படும் கைத்தொழில் ஆகும். தேங்காய் மட்டை அல்லது உரிமட்டைகளை பதப்படுத்துவதன் மூலம் தென்னந் தும்பைப் பெற்று அதில் இருந்து தும்பைப் பயன்படுத்தி பல பயன்பாடுகள் மிக்க முடிவுப்பொருட்களை உற்பத்தி செய்தல் வரையிலான செயற்பாடுகளை தும்புத் தொழில் என்பதற்குள் குறிப்பிட முடியும்.

தேங்காய்களில் இருந்து அதன் மட்டைகள் அகற்றப்படுதல், மட்டைகளில் தும்பை வேறுபடுத்தி அவற்றை பதப்படுத்தி அத்தும்பை பயன்படுத்தி, தும்புத்தடி, கயிறு மற்றும் கால்மிதி ஆகிய பொருட்களின் உற்பத்திகளை செய்து அதனை விற்பனை செய்யும் செயற்பாடுகள் போன்றன தும்பு தொழிலின் செயற்பாடுகளாய் அமைகிறது. தேங்காய்கள் விற்பனை செய்யப்படும் நோக்கோடு தென்னம் தோட்டங்களில் தேங்காய்கள் பெறப்பட்டு சந்தைக்கு கொண்டு செல்லப்படும். சந்தையில் தேங்காய்களில் உள்ள மட்டைகள், அலவாங்கு போன்ற ஆயுதத்தைக் கொண்டு தேங்காயில் இருந்து அகற்றப்படும். இச்செயற்பாடு “தேங்காய் உரித்தல்” என கூறப்படும். பின்னர் தேங்காய்கள் விற்பனைக்கு கொண்டு செல்லப்படும். தேங்காயில் இருந்து அகற்றப்படும் உரிமட்டைகள் பிறிதாக சேகரிக்கப்படும்.
உரிமட்டைகள் சேகரிக்கப்பட்ட பின்னர் அதனை தும்புத் தொழில் மேற்கொள்பவர்களின் பிரயோகத்திற்காக தொழில்முனைவோரால் கொள்வனவு செய்யப்பட்டு அவற்றை உவர்ப்புத் தன்மை கொண்ட நீர் நிலைகளுக்கு அருகாமையில் கொண்டு சேகரிக்கப்படும். மட்டைகளை வாங்கிய தொழில் முனைவோர் நீர் நிலைகளின் கரைகளில் தேங்காய் மட்டைகளை புதைத்து விடுவார்கள். புதைக்கப்பட்ட மட்டைகள் நீர் நிலைகளின் கரைகளில் 6 மாதம் முதல் 1 வரும் வரை ஈரப்பதன் உள்ள நிலத்தின் அடியில் ஊறவிடப்படும். குறித்த மட்டைகள் 6 மாதம் தொடக்கம் 1 வருடம் வரை குறிப்பிட்ட பதத்தை அடைந்ததன் பின்னர். உரிமட்டைகளை மீண்டும் தோண்டி எடுத்து அவற்றை ஒவ்வொரு மட்டைகளாக பிரித்து எடுப்பார்கள்.

எல்லா மட்டைகளிலும் உள்ள தோலையும் தும்பையும் கையால் பிரித்து எடுப்பார்கள். தும்பில் இருந்து பிரித்தெடுக்கப்படும் தோல் வீடுகளில் பூ மரங்கள் வளர்க்கும் போது பசளைகளாக பயன்படுத்தல் போன்ற தேவைகளிற்காக விற்பனை செய்யப்படும். அதன் பின்னர் தும்பில் ஊறிக் கணப்படும் நீரை புளிந்து வெளியேற்றியபின் தும்பை மரக்கட்டை அல்லது சீமெந்து கொங்கிறீற்றுக் கட்டி ஒன்றில் வைத்து இரும்பு பொல் ஒன்றால் தட்டி அடித்து பதப்படுத்துவார்கள். இதனை அவர்கள் மட்டை தட்டல் என அழைப்பார்கள். இந்த செயற்பாடு சில இடங்களில் இயந்திரங்களைக் கொண்டும் செய்யப்படுகின்றது.

மட்டை தட்டிப் பதப்படுத்தி பெறப்படும் தும்பை உலரவிட்டு அடுத்த கட்ட உற்பத்திக்கான ஆயத்த தும்பாக மாற்றி அவற்றை சேகரித்து எடுப்பார்கள். இவ்வாறே தும்பு உற்பத்தி செய்முறை மேற்கொள்ளப்பட்டு வருகிறது. இன்றைய காலகட்டத்தில் இயற்கை உற்பத்திப் பொருட்களுக்கான கேள்வி அதிகரித்தும் நிலையில் தாவர மூலப்பொருளான தும்பு மற்றும் தும்பிலிருந்து பெறப்படும் உற்பத்திப் பொருட்கள் மீதான கேள்வியும் அதிகரித்து வருகிறது. இலங்கையில் உற்பத்தி செய்யப்படும் தும்பானது தடித்த, நீளமான, தூய்மையான இழைகளைக் கொண்டிருப்பதாக உலக தும்புச் சந்தையில் கருதப்படுகிறது. இத்தும்பானது பெருமளவு மரபார்ந்த தும்புக் கைத்தொழில் நுட்பங்களைப் பின்பற்றியே உற்பத்தி செய்யப்படுகிறது.
இன்று கயிற்றிற்கான கேள்வி அதிகரித்து வருவது நாம் அறிந்த விடயமே. அந்த வகையில் தும்பு உற்பத்திப் பொருட்களில் முதன்மையாக விளங்குவது தும்பிலிருந்து திரிக்கப்பட்ட பலவகையான கயிறுகளேயாகும். இலங்கையின் தும்புத் தொழிற்துறையானது ஏறத்தாழ 35,000 தொழிலாளர்களைக் கொண்டுள்ளது. இதில் ஏறத்தாழ 75-90% பெண்களாகவே உள்ளவர். கைத்தொழில் துறையில் பெண்களின் ஈடுபாடு இலங்கையில் அதிகமாக காணப்படுகிறது.

இதற்கு குளம், மடு,வாவி, குட்டை போன்ற நீர் நிலைகள் தும்புத் தொழிலின் முக்கிய செயற்பாடுகளான மட்டை புதைத்தல், தட்டல் போன்றவற்றுக்குத் தேவையான இயற்கைச் சூழலமைவையும் கொண்டுள்ளமை சிறப்பான விடயமே. கிராமிய சிறு குடிசைக் கைத்தொழில் திணைக்களத்தின் மூலம் கயிற்று திரிக்கும் தொழிற்பயிற்சிகள் வழங்கப்பட்டன. நெல் அறுவடை இயந்திரத்தின் அறிமுகத்திற்கு முன்னதான காலப்பகுதியில் நெல் அறுவடைக்குப் பயன்பட்ட கயிறுகளான உப்பட்டிக் கயிறு, வரிச்சிக் கயிறு, தேடாக்கயிறு போன்றன தும்பிலிருந்து தயாரித்து விற்பனை செய்யப்படுகிறன.

தும்பளையானது இலங்கையின் வடக்கு பகுதியிலுள்ள பருத்தித்துறைக்கு அண்மையில் ஒரு கிராமம் ஆகும். தும்பளை என்னும் பெயர் “தும்பு + அளை” என்பதிலிருந்து மருவி வந்திருக்க வேண்டும் எனும் கருத்துமுண்டு. அளை என்பது வாய்க்கால் அல்லது ஓடையைக் குறிக்கும் சொல்லாகும். பண்டைய காலத்தில் தும்புக் கைத்தொழிலே இக்கிராமத்தின் முதன்மைப் பொருளாதார நடவடிக்கையாக இருந்திருக்கலாமென சில ஆய்வாளர்கள் கருதுகின்றனர். தேங்காய் மட்டைகளிலிருந்து தும்பைப் பெறுவதற்கு அவற்றை நீரில் சில காலம் ஊற வைக்க வேண்டும். இதற்காக சிறு ஓடைகளை வெட்டி, நீர் பாய்ச்சி அதனுள் மட்டைகளைப் புதைத்து வைப்பது வழக்கமாகும்.

அது மட்டுமல்லாது மருதமுனையிலுள்ள பிரான்ஸ் சிற்றி என்னும் பிரதேசத்தில் சிறியளவிலான தும்புத் தொழிற்சாலை ஒன்று அமைக்கப்பட்டு தும்புப் பொருட்கள் உற்பத்தி செய்யப்பட்டு வருகின்றன. இத்தொழிற்சாலையில் சுமார் 30 தொழிலாளர்கள் பணிபுரிகின்றனர். அத்தோடு இலங்கையின் வடபகுதியில் அமைந்துள்ள வல்வெட்டித்துறை ஒரு முக்கிய துறைமுக, கப்பல் கட்டும் நகராக இருந்தமையால் இங்கே தும்பு மற்றும் கயிறு திரிக்கும் கைத்தொழில் ஒரு முக்கிய கைத்தொழிலாக பல நூற்றாண்டு காலமாக இருந்து வந்துள்ளது குறிப்பிடத்தக்கது.
மேலும் கச்சாய் தும்பு உற்பத்தி நிலையம், அல்லாரை தும்பு கைத்தொழில் உற்பத்தி நிலையம் கொழும்புத்துறை, பளை, முல்லைத்தீவு, வடமேல் மாகாணம், விருதோடை, கொகோ லங்கா தும்புக் கைத்தொழில் அமைப்பு, புத்தளம் போன்ற இடங்களிலும் தும்பு கைத்தொழில் மேற்கொள்ளப்பட்டு வருகின்றது. அங்குள்ள அநேகமான மக்களின் ஜீவநோபாய தொழிலாக தும்புக் கைத்தொழில் காணப்படுவதும் குறிப்பிடத்தக்க ஒரு விடயமே.

நாம் தினமும் எத்தனையோ விதமான பொருட்களை நுகர்கின்றோம் . அதில் பல வெளிநாடுகளில் இருந்து எமது பிரதேசத்திற்கு இறக்குமதி செய்து விற்பனை செய்யப்படுகின்றன . ஆனால் அப்பொருட்களை விட மிகவும் சிறந்த பொருட்கள் எம் தேசத்து முயற்சியாளர்களால் உருவாக்கப்படுகின்றன . உலகளாவிய ரீதியில் முண்ணனி வகிக்கும் வெளிநாட்டு வெற்றியாளர்களையும் , முயற்சியாளர்களையும் ஆச்சரியத்தோடு பாராட்டுகின்றோம் . ஆனால் கடுமையான அனுபவங்களை வெற்றிக்குரிய படியாகக் கொண்டு முன்னேறிய எத்தனையோ முயற்சியாளர்கள் எம் பிரதேசத்தில் உள்ளனர் என்பதை நாம் தெரிந்து கொள்ள வேண்டியது அவசியம்.
இவர்கள் திறமைசாலிகளாகவும் தாம் எடுத்துக்கொண்ட முயற்சிகளில் இருந்து விலகாதவர்களாகவும் , எமது தேசத்தின் வளங்களைக் கொண்டு நாம் நுகரும் பொருட்கள் உற்பத்தி செய்து சமூக நன்மை ஏற்படுத்துவதை நோக்கமாகக் கொண்ட இவர்களது முயற்சியானது நாம் அனைவராலும் பாராட்ட வேண்டியது அவசியமே.தும்புக் கைத்தொழிலுக்கென்று எமது சந்தையில் நிலவும் கேள்விக்கேற்ப அவை அபிவிருத்தி செய்யப்படவேண்டும். அக் கைத்தொழிலில் ஈடுபட்டுவருபவர்களுக்கும் ஆர்வமுள்ளவர்களுக்கும் பயிற்சிகள் வழங்கப்பட வேண்டும்.

இவ்வாறு பயிற்சிகள் வழங்கப்படும்போது ஏனையவர்களுக்கும் ஈடுபடக்கூடிய வாய்ப்பும் ஆர்வமும் ஏற்படும் அதன்போது தும்புக் கைத்தொழிலும் விருத்தியடையும். எமது நாட்டில் பல தொழில் பயிற்சி நிலையங்களில் பல வகையான தொழிற் பயிற்சிகள் வழங்கப்பட்டுவரும் வேளையில் எமது கிராமத்தில் எமது வீட்டிலிரு ந்தவாறே செய்யக்கூடிய ஒரு தொழிலான தும்புக்கைத்தொழிலை பயிற்சி நெறியில் சேர்த்துக்கொண்டால் பாரிய ஒரு ஊக்கமாக அமையும் என்பதில் எவ்வித சந்தேகமும் இல்லை.மேலும் சந்தைப்படுத்தல் முயற்சிகளில் கூடிய கவனம் எடுப்பதன் மூலம் இதற்கான கேள்வியை அதிகரித்துக் கொள்ள முடியும். அந்த வகையில், இலத்திரனியல் மயமான முறையில் இதற்கான வாய்ப்புகளை உருவாக்கிக் கொள்ள முடியும்.

தகவல் தொடர்பாடல் தொழில்நுட்பம் உலகளாவிய ரீதியில் அதீத மாற்றங்களைக் கொண்டுவந்துள்ளது . சிறுவர் முதல் முதியோர் வரையிலும் , தனி மனிதன் முதல் பாரிய நிறுவனங்கள் வரையிலும் தகவல் தொடர்பாடல் தொழில்நுட்பத்தின் பாவனை வியாபித்துள்ளது.சிறிய மற்றும் நடுத்தர தொழில் நிறுவனங்கள் தகவல் தொடர்பாடல் தொழில்நுட்பத்தினை தமது வியாபார நடவடிக்கைகளை பன்னாட்டு நாடுகளிலும் விருத்தி செய்வதற்குப் பயன்படுத்திக் கொள்ளலாம். அதன் மூலம் பல விற்பனை வாய்ப்புக்களையும் வளங்களையும் ஏற்படுத்திக் கொள்ள முடியும்.